جهاندا ماخلقون اعتباریسن زهــرا

خدای لم یزلون افتخاریسن زهــرا


جهاندا ماخلقون اعتباریسن زهــرا

خدای لم یزلون افتخاریسن زهــرا

حمیده دخت نبی،اٌسوه ی کمال وسعید

جزا  گونی  نجبانون عیاریسن زهــرا

نجیب و  عاطفه  مسلک  زکیّه  و  طاهر

بطون حکتمه سن آشکاریسن زهــرا

بویوردی خالق  کون  و  مکان مقامینده

حبیبـه  و  هـنر  کردگاریسن زهــرا

مـعرفی    الیـیَنده    کساده   فــاطمـه نی

بویـوردی  آل عــبا  شاهواریسن زهــرا

و   فاطمه   و  أبـوهـا   و   بَعلٌهــا  و   بــنو

اَزَل  چاغیردی سنی شهسواریسن زهــرا

آتان   نبیّ  و رسول  و  امینِ   خلق   الله

اَلوندن  اوپدی دئدی رستگاریسن زهــرا

بخـاری   نقل   ایلیوب   راوی   تسنندور

پـیـمبـرون   اورگـینده    قراریسن زهــرا

فَاِنّمـا   هِـیَ   صـدیّقه  بَضعَهٌ   مِنّی

نبیِّ   اکرمین   آیینه   داریسن   زهــرا

علینی خلق  إلماقدا   تعجب   أتدی  خدا

علی بویوردی منه سن وقاریسن زهــرا

علی دیلینده اولان حمد حقّ و ذکر و دعا

علـی  اَلینـده   اولان   ذوالفقاریسن زهــرا

طریق عشقیده یوخدور سنه زوال  و مثال

حسین   آناسی  علیـنون   نگاریسن زهــرا

نه  سیرتینده  مگر   وار   که   امّ   تقواسن

مدار  عـصمته ســن   سرمداریسن زهــرا

نه  حکمتی  وار   آدیندا   شفادی   مضطرّه

شرف    نشانه سی   سن  نامداریسن زهــرا

طلــیعه ی   ازلیدور   یوزونده کی   نورین

جهان   مــدارینه  سن   اقتداریسن زهــرا

دوشر ایشیـقدان او دم  شمس و ماه و انجم و غیر

نقابـین   اولـماسا   ذوالاختیاریسن زهــرا

ثنـای  فاطمـه نی  شـاعـرا  دینمزسن

طفیلی سن خانمین حکمتین بیلنمزسن

مسیر شعریوی چک ایندی ایندی غملی آثاره

ایـکی    نفـر   بو   جهـاندا   قالـوبدی آواره

بیری   علی   اورگینده   غمین   غباری   اولان

بیری   حسین   بالاسی  حرمله شکاری اولان

به   استـناد   مقـاتل   اولـوب  غـم   عنوانی

حـسین  آناسی  گوزون  یومـدی  عصر  میزانی

نه حالدا  منزله  مـولا  گئدیب  وقوعیم  یوخ

نه شکلی غسل وئروب دفن ائدیب رجوعیم یوخ

یتیم  اولان بالالار   تک   قالـوبلا   منــزلده

مدینه ده  گجه  تنــها علـی  قالــوب چولده

بقیعه باخدی دئدی  قلبیمه  دولوبدی   تعب

فـراق   فاطمه دن   غصه   مرگ   اولار  زیـنب

 خیالیدن   گجه   سوزین   آتین مدینه لیلر

ئولوبدی   فـاطمه   راحت   یاتین    مدینه لیلر

نه   گتماقا    اَیاقی   گلدی   منزله   سـاری

نه   اینکی   آیـریلا   بیلدی   مزاریدن   بـاری

بویوردی بیر  گجه  سنسیز قالانمارام زهرا

یتیــمه   زینبیــوی   یوخلادانـمارام   زهرا

مزارین اوسته  قالیب أل چـکنمورم نیلوم

نه   چاره   منزله   سنسیز    گدنمیرم   نیلوم

غرض   گلوبدی    بو ایش   کربلاده  تکراره

حسینده   عین   علی   قالدی   چولده  آواره

اَلینده صودامرون بعد ازاینکه  اوخلادیلار

ربابی   اهل   حرم   خیمده   قوجاخلادیلار

نه خیمه سمتینه گتدی  نه  سوی  میدانه

باخوردی   یالقیز   امام اصغر   الده هر یانه

باتوبدی قانه دئدی من نجور خیامه گئدیم

سلامت آلمیشیدیم بس ربابه من نه دئییم

نه  چاره   حالیمه   گویده  ستاره   سوزولر

باشی   بدندن   اگر   اللریم   چکم   اوزولر

عجیبه   منظره دی گردش  زمانه   قوروب

مدینه ده  اولان ایش کربلاده بیرده اولوب

او  گون   امام   ئورگی غمده تاب ائدنموردی

بوگون   امام  ولی  خیمیه  گئدنموردی

او گون  امام  اوتانوردی  غم  اضطرابیندن

بو   گون   امام   اوتانوردی  فقط ربابیندن