من فاطمییم مٌصحف غیرتده مشعشع

نسوان بهشت ایچره منم افضل و ارفع

فخر ایلیورم  اولمامیشام  غرق  مرصّع

قرآن اوخیوب مال حرامی یئمدیم من

وجدانیم اولوب خلقه تملّق دئمدیم من


                                  من فاطمییم مٌصحف غیرتده مشعشع

نسوان بهشت ایچره منم افضل و ارفع

فخر ایلیورم  اولمامیشام  غرق  مرصّع

قرآن اوخیوب مال حرامی یئمدیم من

وجدانیم اولوب خلقه تملّق دئمدیم من

من  فاطمییم   منطق  اسلام  شعوریم

بیت الحزنیم اولدی منیم وادیِ طوریم

بیر ذره قدر اولمادی طاعتده کسوریم

غاصبلری  منطقله   زمین گیر الدیم من

گوساله پرست دشمنی تحقیر الدیم من

من فاطمییم احمد مختار آتامدور

گنجینه ی پر گوهر اسلام آنامدور

شاه  شـهدا  سـید ابرار  بالامدور

اسـلامه  عمل  اتمگه   هـمت  الدیم من

حق کیمدی حقیقتدن حراست الدیم من

من  فاطمییم حقدی سوزوم یوخدی گناهیم

الله  اوزی  هر  یئرده  اولوب  پشت  و پناهیم

یئردن هله چوخ گویده منیم واردی سپاهیم

بیر خطبه دئدیم حجتی اتمام الدیم من

غارتگر اولان  حاکمی  اعدام  الدیم من

من  فاطمییم شیشه ی عمروم داشا دگدی

بار    محنیم    سـرو    رسا   قدّیمی   اگدی

بی مـدرک و بیجا یئره دشمن  منی دوگدی

اون سگیز ایل عمروم گوزی یاشلی سپر اولدی

سیلی  مـنه  قـنفذ   یاراسـیندان  بتر  اولدی

من فاطمییم  درگهیمه    شعله   قالاندی

دیواره   دایاندیم   اتگیم   شعلده  یاندی

سقط اولدی بالام سینمه مسمار توخاندی

ثانی قاپیما  ویردی  لگد  کینه ده دوردی

اَل دوتدوم علیدن ولی قنفذ منی ویردی

من  فاطمییم  زندگـیده  چـوخ  غمه  یاندیم

اوز  حقیمین  اوستونده  دوگولدوم  یـارالدیم

ثانی کی منی ویردی ، حسندن چوخ اوتاندیم

چوخ محنتیمی زینبه فاش ایلمدیم من

سیلـی  جریانیندن  علیّه   دئمدیم من

من   فاطمییم   باد  خزان   گلشنه   دگدی

حق اوسته دایاندیم سخنیم دشمنه دگدی

ثانینین آغیر سیلی سی محکم  منه دگدی

زینب   منی   گورمگله   دوداغی   بوزوشردی

سیلی یئری هی یادیمه دوشچک قیزیشاردی

من فاطمییم سوت دادینی دادمادی اوغلوم

حسرتده قالوب لبلرین ایسلادمادی اوغلوم

هچ یاره لی سینمده گلوب یاتمادی اوغلوم

وضع حمل الیین وقتی غذا  چوخ یمدیم من

نیسگیل بودی هچ اوغلوما لایلای دمدیم من

من فاطمییم اون بیر آیین اختری اولدوم

مظلوم علینون   یارالی   یاوری   اولدوم

اوز  باغیمه  ارثیّه میدی مشتری اولدوم

محنت  قاپیما خیمه  قوروب  قدّیمی اگدی

کسدی یولومی کوچه ده ثانی منی دوگدی

من فاطمییم  اگدیکیمی  درمدیم  ئولدوم

آغلار دولانیب زینبی گولدورمدیم ئولدوم

قنفذ یاراسی بیر کسه بیلدیرمدیم ئولدوم

هچ  کس  منه  تای  دار  فناده  ئولن  اولماز

من گتدیم حسینه داخی لایلای دین اولماز

من فاطمییم  رخت  غمی  سویمادیم   ئولدوم

(راحتلیگیـلن  بـالشه باش  قویمادیم  ئولدوم)

افسوس،حسیندن دولی گوز دویمادیم ئولدوم

گر قسمت حسین اولسا ملالینده بوروننم

سینـمده  یارا  مقتلیوه  ساری  سوروننم