ایدل اقیانوس رحمتدور علینون زینبی

شهدشیرین شرافتدورعلینون زینبی


ایدل اقیانوس رحمتدور علینون زینبی

شهدشیرین شرافتدورعلینون زینبی

تحفه خلاق خلقتدور علینون زینبی

اسوه صبر و شهامتدورعلینون زینبی

آدینه قربان آدی زینتدی نام حیدره

حق تعالادن عنایتتدور علینون زینبی

بوگوزل آد حیدر کراره تک زینت دگول

عالم امکانه زینتدور علینون زینبی

زینبین اعمالینی الگو ایدن محجوبه لر

درک ایدوبلر پاک طینتدور علینون زینبی

بش ایلین شاگردی ، دانشگاه زهراده اولان

فارغ التحصیل عصمتدور علینون زینبی

محشریکه وعده سین الله ویروب قرآنیده

اول قیامتدن علامتدور علینون زینبی

شیر زهرا شیر زن پروردی ایراد ایلمه

بوسببدن با شهامتدور علینون زینبی

زینب آدلی چوخدی ، هرزینب اولانمز زینبی

بو آدا لایق کفایتدور علینون زینبی

بُعد غیرتدن فقط عباسه اوخشور والسلام

قارداشی تک کان غیرتدور علینون زینبی