ای مظهر معرفت ، قهرمان کربلا
پروانه شمع عشق ، نور چشم مرتضا
روحووه عشقووه،جانیمیز اولا فدا
لطف ائله ویر بیزه ،عیدیانه سال یولا


ای مظهر معرفت ، قهرمان کربلا
پروانه شمع عشق ، نور چشم مرتضا
روحووه عشقووه،جانیمیز اولا فدا
لطف ائله ویر بیزه ،عیدیانه سال یولا

پاینده دور پرچمون ای عزیز پنج تن
ثبت اولدی آدون سنون قهرمان بت شکن
ئولدوردون خود کامه نی ایلدون ئوزون کفن
سسلر سنه مرحبا هم حسین و هم حسن
رعددن برقدن ،سوزلرون جهنده دی
حضرت فاطمه ،اقتداری سنده دی

یوخدور نظیرون سنون ای نگار فاطمه
کیمدی اولا سن کیمی بی معلم عالمه
قول باغلی باش اگمدون ئوز ائوینده ظالمه
سالدی سنون منطقون دشمنی تلاطمه
مرحبا آفرین ، رازووه نیازووه
تیکدی گوز قارداشون ، نیمه شب نمازووه

هیچ عورتون خصلتی اوخشاماز خصاللوه
چاتماز کمالین الی رتبه کمالووه
ایلر حیا آفتاب باخماقا جمالووه
حورای جنت سنون تشه دور جماللوه
افتخار ایلروک ، پرده نقابووه
قویمادون هیچ کیمی ، سنگر حجابووه

کرب و بلانون غمی یاندیرار هر عاشقی
صرصر کیمی تشنه لیک ائتدی پرپر عاشقی
عاشقلرون ناله سی غملی ایلر عاشقی
اکبرین عاشقلرین پوزدی اصغر عاشقی
اصغرین قنداقین ،باغرووا باسان زمان
آغلادی حالووه ،مشکی پاره قهرمان

اللی بش آغلادون گولمه دی فلک سنه
دوغراندی قارداشلارون اولمادی کمک سنه
سن آغلادو گللره آغلادی فدک سنه
آغلاماق آزدور خانم جان وئرک گرک سنه
باشووین یاره سی، یادگار عشقیدرو
خنجر منطقون ،ذوالفقار عشقیدور