دور گلدی باجون غم گونی غم خوارین حسینیمدلدارین حسینیم

قرخ گونده یـوزی گولمـدی قیزلاریـن حسینیمزواریـن  حسینیم



دور گلدی باجون غم گونی غم خوارین حسینیمدلدارین حسینیم

قرخ گونده یـوزی گولمـدی قیزلاریـن حسینیمزواریـن  حسینیم

سندن صورا بندیلـه اســارت منه قالدی

سن گئتدون اخا آهیله محنت منه قالدی

چیخدون یارالی آیدینا ظلمت منه قالدی

هِی آغـلادی یـولّاردا پـرستارین حسینیم

شامه کیمی یولّاردا باجون دربـدر اولدی

اکبرله گلن شمریله گــور همســفر اولدی

گه کوفه ده دیل یاره سیلن خونجگر اولدی

گه دوشدی یره خیردا علمدارین حسینیم

خیردا بالاوون قوش کیمی دیلده سوزی قالدی

بیز گلدوق  او   ویرانـه ده تکجــه اوزی قالدی

چوخ گوزلدی اکبــر گله یولـدا گوزی قالدی

آخر گوزونی یومدی فداکــارین حسینیم

بیر گوشه ی ویرانه ده هِی سینه ویراردی

گه نوحه دیینده اوتوروب گاهی دوراردی

اکبر دئجک اول بوینونی آهیله بوراردی

ذکریدی علی دختر هوشیارین حسینیم

یانسین فلکی بختی قرا هرگـون اوخ اولدی

بیلمم نیه آز سینیده کی دردی چـوخ اولدی

خوش گونلری زهرا کیمی دنیاده یوخ اولدی

گوزیاشیله  تـر  ایلدی رخسارین حسینیم

یاتدی قوری یئرلرده سنه تای باجون ئولسون

اونسوز بورا گلدیم دییَم ایوای باجون ئولسون

گوز یاشیـله چـالّام سـنه لایلای باجون ئولسون

دور یاتما گلوب خسته فداکارین حسینیم