ای پادشاه انس و جان، قارداش  حسین گلدیم اویان

هجرونده گوگلوم  اولدی قان، قارداش  حسین گلدیم اویان


ای پادشاه انس و جان، قارداش  حسین گلدیم اویان

هجرونده گوگلوم  اولدی قان، قارداش  حسین گلدیم اویان

 

 شامه گئد‌نده جسمیوی، عریان قویوب گئتدیم حسین

گونلر اونونده قانووا، غلطان قویوب گئتدیم  حسین

قویمادیلار دفن ائیلییم، عدوان قویوب گئتدیم  حسین

شمرین جفاسیند‌ن امان، قارداش حسین گلدیم اویان

 

 شام غریبان دوتماغا، قویمادی قارداش اهل کین

شامه کیمین قان آغلادیم، بو نسگیله ای شاه دین

هانسی مصیبتد‌ن سنه، تقریر ائدیم دوتماز دیلیم

بوندان شیایت ائتمر‌‌م، ویرانه اولدی  منزیلیم

چیخماز یادیمدان بو جفا، هرچند چوخدور نسگیلیم

گوردوم لبونده  خیز‌ران، قارداش  حسین گلدیم اویان

 

آلسان خبر گئتدیم نئجه، شامه براد‌ر حالی سن

ائتدیله نه جور و جفا، بوندان سراسر حالی سن

منزل به منزل نئیلدی، اطفاله لشگر حالی سن

ویردیلا قمچی هر زمان، قارداش  حسین گلدیم اویان

 

هر رهگذرده شامیان، جوخه به جوخه دوردولار

سنگ شماتتله گویول ، آیینه‌سین سیندیردیلار

بعضی دئدیلر خارجی، بعضی‌سی طعنه ویردیلار

گه کف زنان، گه دف زنان، قارداش  حسین گلدیم اویان

 

سنده‌ن سورا چوخ یانمیشام، پروانه وار اودلاره من

گه کوفه ده گه شامیده، گزدیم  حسین آواره من

گه بزم عامه گئتمیشم، گه کوچه و بازاره من

اولدوم  عجب بی‌خانمان، قارداش  حسین گلدیم اویان

 

 اهل حرم یکسر گلیب، ماه مدینه گلمئیب

راحت ائدیب غمد‌ن اوزین، اول بی‌قرینه گلمئیب

غربت مزار، اولدی قیزون ، نازلی رقیه گلمئیب

وئردی قوری یئرلرده جان، قارداش  حسین گلدیم اویان