اسارتدن قوتاردی اهلیبت مصطفی قارداش

گلوبله دوتماقا  قبرین کنارینده عزا قارداش


اسارتدن قوتاردی اهلیبت مصطفی قارداش

گلوبله دوتماقا  قبرین کنارینده عزا قارداش

 

اگر چی قرخ گونی تیر فراقون قلبیمی دلدی

خدایه شوکر اولا زینب وصاله چاتدی دینجلدی

ایاقه دور یارالی قبرین اوسته قیزلارون گلدی

خوشام بیرده منه قسمت اولوبدی  کربلا قارداش

 

فراقه یانمیان  عاشیق  وصالین  لذتین  بیلمز

قفسده قالمیان بولبول گلستان قیمتین بیلمز

باجون زینب کیمی هیچ کس بو عشقین دولتین  بیلمز

بو عشقیله باجون اولموش ازلدن اشنا قارداش

 

دیار شامه قولباغلی گئدیب چون قهرمان گلدیم

ائدیب دوشمنلری رسوای هر دور و زمان گلدیم

اسارتدن قوتاردیم قبریون اوسته میهمان گلدیم

گتوردوم عتریتن یاتما دور ایله  خوش صفا قارداش

 

گلیبدور  قیزلارون اهل عیالین    قبروون اوسته

ولی نازلی رقیم گلمدی    ای شاه    وارسته

یورولدی قمچی لردن خوشلادی شامی او دلخسته

کفن سیز اولدی بیر کس  اولمادی قبرین قازا قارداش

 

دولاندیریدی گتوردی قبرون اوسته عترتین زینب

بو ششگوشه مزارین چوخ چکیبدی  حسرتین زینب

بیان  ایتمز سنه دیلده ملال و محنتین  زینب

گلیب بو قبریوه عرض اردات ایتماقا قارداش

 

اوگون کی کوفیان نامرد اولوب سیندیردیلا بیعت

سنیله باشلادی جنگ و جدل نامه یازان امت

او گوندن یانمیشام هجرانه من قلبیمده وار حسرت

بو سوز قلبیمه هیچ یرده اولمادی دوا قارداش

 

یادیمدان چیخماز عاشورا که دشمن کامینه چاتدی

بو میدان گئدنلر بیر به بیر القانینه باتدی

سنه یا راولمادی بیر کس  غمین دونیانی آغلاتدی

یارلی سینه ده آت چاپدیریب  اهل جفا قارداش

 

 دونوب شوق وصالیندن  ایکی آغلار گوزوم ابره

گلیر موجه بوتون نیسگیل لریم غالب اولوب صبره

او پاره جسمیوی  گونلر  ایوندن کیم قویوب قبره

سایا گلمزدی باشسیز پیکرون اوسته یارا قارداش

 

بقای دین و قرانی قانیلا ایلدون تضمین

بوتون عالملره درس شجاعت غیرت اورگتدین

اولار سرمشق عشاقه بو قانلی نهضتین  خطین

سنه رهرو اولان ظلمه باش اگمز مطلقا قارداش

 

منیله مونس اولموشیدی  جدا اوسته باشون هر آن

قوتاردی زینبون  بحرانیدن  تا باشلادون قران

او باشی گورمه  سیدیم صبریمی ایلردی غم تالان

ولی یاندیم او دم کی باشیوه داش ویردیلا  قارداش

 

وطندن آیریلیب گلدیم سنیله من  جلالیه

اسیراولدوم  دولاندیم کوفه و شامی ملالیه

وطنه گر یولوم دوشسه منیم سنسیز بو حالیله

مدینه شهری یول وئرمز منه ای باوفا قارداش

 

 منیله بیر دانیش تعریف ائدیم باشیم بلاسیندان

دیوم تا کوفه و شام اهلینین بیحد جفاسیندان

ولی اول منه ویر بیر خبر سینون یاراسیندان

گوزوم یاشین گتوردوم زخم پیکانه دوا قارداش

 

نچه ایلدور یانیر شمع فراقونده نواخوانون

اورکدن "هوشمند" ایستیرسنون بو صحن و ایوانون

یازور نوحه دیور ایکاش اولیدیم منده قربانون

اوزون بو اربعین یاز بیر برات کربلا قارداش