دیدی حسین سنه قربان اولا بلالی باجون

گلوب زیارتوه شامدن یارالی باجون


دیدی حسین سنه قربان اولا بلالی باجون

گلوب زیارتوه شامدن یارالی باجون

اسیر شام و مدینه غزالیم یارالی

اوزوم علی قیزی یاسلی عزالیم یارالی

دیار کوفه و شام و حلب مسافریم

ایاقه دور نجه گور ماجرالیم یارالی

گیدوب جلالیم الیمدن حسین باشیم آغاروب

دینمورم نجه باشی بلالیم یارالی

سزادی دولسا نوائیله نینوا دشتی

من آغلیاندا ؛ که نی تک نوالیم یارالی

اسفلی شکوه لریم واردی مخبر شامم

شکسته دور ئورگیم ؛ نینوالیم یارالی

گیدنده نعشوی عریان قوم اوسته گورموشدوم

کفنسیز اولماقوا دفن ؛ حالیم یارالی

اوزون بولوردون او گون باشدا معجریم یوخودی

او عذرین ایندیده غرق ملالیم یارالی

یارالی گون قاباقیندا سنی قویوب گیتدیم

هله او گیتماقون افسرده حالیم یارالی

خانیم لیق ایلدیقیم کوفه ده نلر گوردوم

باشون گوروردی نجه ابتلالیم یارالی

یارالی باشیوی شمر ایتدی بیر گجه مهمان

اودور بیر عمریدی گریان لیالیم یارالی

گلندیم او گجه من یانان چادردیدوم

آنامدا گوردی نه سوز خفالیم یارالی

سنون یرون او گیجه چوخ نامناسیبیدی

اودور من ایمدیده رنج و عنالیم یارالی

صباح اولاندا باشون پیشوازیمه گلدی

بولوردی مملکت عشقه والیم یارالی

گلنده من دانشوردوم کجاوه ده گوردون

که نطقده نجه حیدر مثالیم یارالی

دیردی کوفه لیلر مرتضی علی دانیشور

اودور دیدیم او علینون آلیم یارالی

باشون او گون منه گوستردی ایله لطف و نوال

که حشر اولونجا رهین نوالیم یارالی

او زینبم منی گون گورممشدی بی پرده

هامی بولوردی آنام تک حیالیم یارالی

سنون محبتون ایتدی اسیر سالدی چوله

 محبت عالمینون مه جمالیم یارالی

هارا گیدن باشون آردینجا گلمیشم منده

مقام عشقده باخ گو وفالیم یارالی ؟

آپاردی مجلس عامه بیزی زیاد اوغلی

گوره گوره باشی قاندان حنالیم یارالی

اسوبدی باخمادی گلزاریمه سموم خزان

تصور اتمدی عصمت نهالیم یارالی

دانیشدوروب منی ؛ ووردی دوباره دل یاراسی

بیان ماوقعه نطق لالیم یارالی

باشون دالینجا دوشوب شامه گتمیشم بیر باش

رموز عشقده مجنوندان عالیم یارالی

وروبدیلار او قدر تازیانه کعب سنان

هنوز جسمیمه باخسان یارالیم یارالی

دولانمیشام باش آچوخ شامده محله لری

خیال ایدردی گورن لاابالیم یارالی
گینده شامه منه نامناسب آد دیدیلر

بله بله که پیمبر عیالیم یارالی

دولاندوروردیلا کوچه به کوچه قول باغلی

خیال ایدردیله چین و خطالیم یارالی

توکردیلر باشیما کول ؛ دویردیلر بی جرم

گمان ایدردیله جرم و خطالیم یارالی

گونوم او شهرده ؛ بختیم کیمی دونوب شامه

اگر چه شمس حیا – مه لقالیم یارالی

باشیمدا قمچی یری معجریم کیمی قرالوب

ایکی قرائیله باشی قرالیم یارالی

پوزوب خیالیمی بیر نحویله خرابه غمی

دینمورم بو قدر وار خیالیم یارالی

او قدر صبر ایلدیم صبر مندن اولدی ملول

بو یولدا گور نه شهامت نمالیم یارالی

دایان بلمدیم اما یزید بزمنده

سبب او یزمیدی چوخ غم فزالیم یارالی

امان یزیدین الیندن یارالی امان

یارالی قلبیمی ایلوب او شرب مجلسی قان