ای مسلمان گوهر ایمانی آیا نیلدون   

نعمت ارزنده ی قرآنی آیا نیلدون

 


ای مسلمان گوهر ایمانی آیا نیلدون   

نعمت ارزنده ی قرآنی آیا نیلدون   

نه ضرر گوردون مگر پرمحتوا اسلامیدن

دردی باسدون باغروا درمانی آیا نیلدون

کعبع دن اَگدون یولی سس گلدی تُرکستانیدن

ای مسلمان بوذر و سلمانی آیا نیلدون

ابن مُلجمنن نه فوراْ سازشه چکدی ایشون

مرتضی تک نازنین مولانی آیا نیلدون

آخ بو بش گو نلیک یالان دنیا نه آللاتدی سنی

بیلمدون هئچ حُجّت و بُرهانی آیا نیلدون

هئچ اولوب بیر گون دوشه قبر و قیامت یادوه

سسلَنر مأمور حق ایمانی آیا نیلدون

گر سوال اولسا نیه مظلومه وردون سیلی سن

ویر جواب الان گورک وجدانی آیا نیلدون

دینمه سون شاهد گچر فوراً ایاقونله الون

قدرت بازو قوی دستانی آیا نیلدون

هر نیون دنیاده الدن گیتدی امّا دینمدون

یعنی ای دنیا،اولان امکانی آیا نیلدون

هر کیمون هر یرده الدن گیتسه بیر ایستکلی سی

آختارار گورسه دیر جانانی آیا نیلدون

گوردی زینب کربلانی سسلدی آی کربلا

دی گوروم بند دل زهرانی آیا نیلدون؟

کربلا غمدن یاریم گونده آغارتدون باشیمی

بو چوحور یرده قالان اعضانی آیا نیلدون

گیتدی لیلانون الندن اکبر آدلی یوسفی

هاردا گزلتدون،او مَه سیمانی،آیا نیلدون

اکبرین گر تاپماسا لیلا قویار یوز چوللره

ویر نشان قانع ایدیم لیلانی آیا نیلدون

من ربابی نه دیلین ایندی راضی ایلیوم

اوخلادون دیلسیز قوزی قربانی آیا نیلدون

یوللادیم من بیر اوزون قوللی علمداری سوا

قوللارین کسدون،سوسوز سقّانی آیا نیلدون

نه دیوم اُمّ البنبن آلسا خبر اوغلانلارین

گر سوروشسا دورت گل رعنانی آیا نیلدون

هاردا دفن ایتدون سن آل هاشمون قربانلارین

دی گوروم باشسیز قالان اَبدانی آیا نیلدون

بوردا بیر عریان بدن قویدوم گیدنده شامه من

کربلا اول دوغرانان اعضانی آیا نیلدون؟