پریشانم پریشان آی رقیه آی رقیه

نواخوانم نواخوان آی رقیه آی رقیه

دیار کربلادن درد و محنت آشناسی

خرابه یرده مهمان آی رقیه آی رقیه

                                                   اورک داغلارام سنه آغلارام پریشان آی رقیه

                                                    سرشک غمی یوزه باغلارام پریشان آی رقیه


پریشانم پریشان آی رقیه آی رقیه

نواخوانم نواخوان آی رقیه آی رقیه

دیار کربلادن درد و محنت آشناسی

خرابه یرده مهمان آی رقیه آی رقیه

                                                        اورک داغلارام سنه آغلارام پریشان آی رقیه

                                                         سرشک غمی یوزه باغلارام پریشان آی رقیه

بهارستان عشقین آی سولان یاس کبودی

خلایق کشور عشقین  دییللر یوخ حدودی

سنه قربان پیشان رینبین بود و نبودی

                                                              منیم تک سینه سوزان آی رقیه آی رقیه 

گلستان کمالین آی پری چهره هزاری

شهید راه عشق و انفلابین یادگاری

بساط درد و محنتده غم و محنت دچاری

                                                              اسیر و دیده گریان آی رقیه آی رقیه

قیزیم کابینۀ عشق و شرف اعضاسیز اولماز

جهاد و انقلاب معرفت معناسیز اولماز

حقیقتدیر بوسوزکی مرد حق اعداسیز اولماز

                                                                         اولار مظلوم دوران آی رقیه آی رقیه

سنه ویران سرای شام ویران مسکن اولدی

آنام زهرا مثالی بیت درد و احزن اولدی

بیلورسن کی بو امرین باعثی اهریمن اولدی

                                                              من اولدوم زار و نالان آی رقیه آی رقیه

قیزیم بار بلایه توش اولاندان آغلارعمّون

سرشک درد و اندوهی عذاره باغلارعمّون

ئولونجه محنتوندن قلب زاری داغلارعمّون

                                                             اولار گوزیاشیم آل قان آی رقیه آی رقیه

پریشان زلفووه گردست غم شانه ویروبدی

او شانه  تیر محنت پیکر و جانه ویروبدی

ائله پیکان دردی قلب نالانه ویروبدی

                                                 اولوب عمه ون یاریم جان آی رقیه آی رقیه   

قیزیم یوللاردا کاش ظلمین اشدّین گورمییدیم

قیزیم کاش بحر دردین جزر و مدیّن گورمییدیم

قیزیم کاش قوللاروندا قمچی ردّین گورمییدیم     

                                                     قرا گوز نازلی جیران آی رقیه آی رقیه 

یزیدی تخت زرین خلافتدن کی سالدین 

او بد فرجام و بدذاتین الیندن قدرت آلدین 

گوزل بیر همّت ائتدین عرش اعلایه اوجاددین

                                                  به حکم ذات منّان    آی رقیه آی رقیه

یزید بی حیا کی اعتبا رین وئردی الدن

کذائی اعتبار و اقتدارین وئردی الدن

دیانتدن اوبی بهره وقارین وئردی الدن

                                                    دانیشدی چونکه هذیان آی رقیه آی رقیه

غرض  هنگامه سالدین مجلس عام یزیده

ائله درس ادب وئردین  پلید ابن پلیده

اونی اوخشادین آخر بیر غلام زر خریده                                 

                                                      اولا دیللرده عنوان آی رقیه آی رقیه

نئجه زینب بو همّت صاحبیندن ایندی دویسین

نئجه پیراهن عشق و نشان دردی سویسین

نئجه زینب حسینین   یادگاری قبره قویسین

                                                           اوجاتسین آه و افغان آی رقیه آی رقیه

سعادت تاپدی (مژده)درگۀ آل عباده

دئدی چون ریزه خوارم خوان احسان و صفاده

اوبابتدن گوزوم وار شافع یوم جزاده

                                                           ائدر احبابه احسان آی رقیه آی رقیه