حق ایستیدی بیر نوعیله دفن محن ایتسون

امر ایلدی بیماره حسینه کفن ایتسون


حق ایستیدی بیر نوعیله دفن محن ایتسون

امر ایلدی بیماره حسینه کفن ایتسون

آرامینی بیمارون الوب حکم الهی                         

یتدی فلک اعظمه فریادیله آهی

یاندوردی حسینون یارالی باشی او شاهی

ایستردی گوتوروسون اونی الحاق تن ایتسون

تالهامیله سجاده یتیشدی بو کنایه

قویدی اسرانی ولی تاپشوردی خدایه

بیر طرفه العین ایچره گلوب کرب و بلایه

تا سیر گل و سنبل و سرو و سمن ایتسون 

گوردی که عجب طوردی افلاکه چخور نور

ربی ارنی سویلدی اول خسته و رنجور

گوستردی حسینون بدنین ایتمدی مستور

چون ایستمدی حق که مخاطب به لن ایتسون

بیر باخماقیله عالم اسرار و غیوبات

بیلدی او مجاهدلر ایدوب یاخشی مواسات

جتناندان آلوب نعمت وصلیله مجازات

ممکن دگی بیر جمعه بیله انجمن ئایتسون

همناله اولوب اهل قبیله او علیله

بیر قبر قازوب تاج سر آل خلیله

مدفون ایده گلمیشدی حسینی اوز الیله

ایلردی تفکر کفن آیا ندن ایتسون

اول جمع که محکومیدیلر حکم اسیره

بیر اوزگه کفن تاپمادیلار باشسیز امیره

آخر باباسین چولقادی بیر کهنه حصیره

زهرا یری وار جنتی بیت الحزن ایتسون

قویدی اوزی قبره ولی قبر اوستن او ساعت

یازدی بو حسیندور باباسی ختم رسالت

محبوب علیدور اوزی مقتول محبت

بو شرعده کیمدور بیله دفع فتن ایتسون

الله قانیدور ناحق آخان قانی بو چولده

خوشنود ایلیوب حضرت سبحانی بو چولده

انی دیته دولدوروب هر یانی بو چولده

بو قانی طلب وعده ویروب ذوامنن ایتسون

قارداشینه باخجاق دوتوب اود نالیه گلدی

گوردی ایاقی آتدا قویولماقی گوزلدی

بیر اکبر له مرقد شش گوشه دوزلدی

تا حشره کیمی آه و فغان هر گورن ایتسون

دقتله باخاردی قالان ابدان شریفه

از بس یارا دگمیشدی او اجسام لطیفه

شیرازه دن اولموشدیلا مانند صحیفه

تا اینکه ثبوت حقی فاش فاش علن ایتسون

مستغنی گوروندی هامی اقسام حللدن

اولموشدیلا  باش ویرماقیله دلخوش ازلدن

گیچمیشدیله بعضی همی باشدان همی الدن

اونلار کیمی کیمدور ایله ترک وطن ایتسون

"قاسمی دفن ایلدی ، حبیبی دربان قویوب

 اصغریده آتانون سینه سینده دفن ایلدی "

عرض ایتیدیله بیماره او بیر دسته وفادار

چوخ غصه لیسن یوخسا گینه یرده قالان وار

فریاده گلوب سویلدی بیر قالدی علمدار

حیران منی آز قالدی او قولسوز بدن ایتسون

ای اهل قبیله داخی دورمون گلون آخر

اینجیر عموم عباس دیمم دینجلون آخر

بولمم ندی اجری او کسیلمش الون آخر

محشرده اگر ایستسه اخذ ثمن ایتسون

سقا بدنین اولدولا جویا هامی با هم

بیر یرده یتوب تاپدولا شمشاد قدین خم

کیمدور دیدی سن تک شهدادن ئولن ای عم

اوز توپراقینی قانی عقیق یمن ایتسون

عباس نه عباس دوشوب سرو سمن تک

اوخدان بدنی گللر آچوب صحن چمن تک

سسلندی امام اول قد موزونی گورن تک

انصاف اوزی اوز ظلمینه چرخ کهن ایتسون