اى عمه منیـم کاش ائلـه امکانیم اولیدى

سینمـده بو باش، بیر گئجه مهمانیم اولیدى


اى عمه منیـم کاش ائلـه امکانیم اولیدى

سینمـده بو باش، بیر گئجه مهمانیم اولیدى

اى کاش بونون ذکرینى بیر آن اشیدیدیـم

بـو قانلی دوداقدان گئنـه قرآن اشیدیدیـم

هردم بابا جانیم چاغریب،جان اشیدیدیم

قوربان بابامین جان سسینه جانیم اولیدى

اوّلده گرک باوریمى محکـم ائدیدیم

پیشوازه قاچیـب گوزلریمـى پُر نم ائدیدیم

گوز یاشلاریمی جمع ائلییب مرخم ائدیدیم

الـده یارالـى لبلـ‌ره درمانیـم اولیدى

بیلسئیدیم اگر، اشکیمى یوللاره سپردیـم

گلسیدى آیاغیلـه آیاق ردّین اوپـردیـم

 فرشیم یوخودو زولفومو توپراغه دوشردیم

ویرانه ائویم لاییق مهمانیم اولیـدى

دوتدو بـو گئجه اوّل شبدن منـى غفلت

گوى اهلینى دعوت ائلیم اولمادى فرصت

دوتسیدیم عزا من بو باشین شأنینه نسبت

جبریل گرک بو گئجه دربانیم اولیدى

چـوخ وئردی منـه زجـر، دنی گـوز یاشـا خاطیر

سرنیزه ده دورموشدو بو باش یولداشا خاطیر

آلـلاه منـی حیفـظ ائتـدی فقـط بـو باش خاطیر

عشقیمده رضـا اولمـادی، نقصـانیم اولیـدی

آخرده یتیـب، چـوب جفـا دسـتییزیـده

ووردو اونـو غیظیله لـب لعـل شهیده

زینـب بـی‌بـی‌میـن قـددین اَگیب ائتـدی خمیده

هیچ بیر دئمدی یاخشیدی ویجدانیـم اولیـدی