بیر کس دیورم روحی بوتون مهر و وفادی

اللهینه خاطر اورگی موج بلادی

ئوز سینه سی آتش زده ی کرب و بلادی

شام اهلینی  ئوز خطبه لریلن ائلدی خوار

ابلیسه تای ائتدی اولاری سید بیمار


بیر کس دیورم روحی بوتون مهر و وفادی

اللهینه خاطر اورگی موج بلادی

ئوز سینه سی آتش زده ی کرب و بلادی

شام اهلینی  ئوز خطبه لریلن ائلدی خوار

ابلیسه تای ائتدی اولاری سید بیمار

الله دان آلوب اذنی دوروب شیر دلاور

عرض ایلدی فکر ایلمه یین یوخ بیزه یاور

هر یئرده بیزه یاور اولوب حضرت داور

من دوزدی مصیبتلره خاطر اولورام خم

وار زینبیمیز یوخدی بیزه دهریده بیر غم

اَسود داشین عرشه آپاران جدیم اولوبدی

کل ملک سرور اولان جدیم اولوبدی

اللهه یاخین قدر کمان جدیم اولوبدی

اما سیز اونون سبطینی سینزدن آتوبسوز

گنجیدی حسین ,ثروت دنیایه ساتوبسوز

رحم ایلمه دوز سیز لب تشنه ی امامه

گودالیده آخر یئتروب عمری تمامه

گوز یاشلاریمی ساخلامادیم سیلدیم عبامه

بیر کلمه دیون سیزنه گناه اوسته کسوبسوز

زهرا گلونون باشینه داش نیزه ویروبسوز

گئتدی ئوزونه ساکن ائدیب کنج خرابه

صبر ایلدی امیدی یئتوب تکجه ثوابه

ئوز سینه سینی سوزیله دوندردی کبابه

آغلار گوزیلن گه اویانوب گهده اویوردی

دردی دشیلوب آشدی سوزون ربه بویوردی

یارب  حسرت بیر خوش گونه قالدوم

مین دردی آلوب سینه ی پردردیمه سالدوم

چوخ درده دوزوب رتبه ی سجادیمی آلدوم

اما بابامین دردی آلوب طاقتی مندن

ای خالق من ایستیورم صبریمی سندن

 

آگه سن ئوزونکی دوزورم من بوجفایه

من ایله میرم شکوه یانان دشت بلایه

قلب عطشیم دوزدی گلور چوخلی نوایه

چونکو گورورم بیر نفرین قوزانور آهی

لطف ایله اونا مادر اصغردی الهی

 

هرلحظه آچور غملی سوزون سینه دن آغلور

بوشامه گلندن بشیگی سینه ده ساخلور

گونلر قاباغیندا او دل غم کشی داغلور

یوخدورداهی طاقت ئوزون امداد ائله یارب

گوز یاشی توکم قویما دونوبدور سئله یارب

بوحالیله دوررام گئجه لر راز و نیازه

غملی ئورگیم خوشدی فقط شبده نمازه

محرم بیلورم تکجه سنی منده بو رازه

چوخ آغلیورام یوخدی بو جسمیمده توانیم

عورت بالالار غملی یاتوللار گلور آهیم

 

یارب اوجالان شامیده ای وای لارا خاطر

نهر اوسته دوشن بیر جوت اوزون قوللارا خاطر

صحرای بلاده توکولن قان لارا خاطر

لطف ایله قویاق شهر پیمبر یولونا گام

آغلار گوزیلن اولمیاق آواره ی بو شام