سنی تاری عمّه بو شمره دی منِ زاره سلسله وورماسون

بو گونی چوخ اینجیمیشم منی یِتوشونجه منزله وورماسون


سنی تاری عمّه بو شمره دی منِ زاره سلسله وورماسون

بو گونی چوخ اینجیمیشم منی یِتوشونجه منزله وورماسون

دیمورم قاباردور اَیاقلاریم بو یولی پیاده گیدنمرم

علی اکبرین باشین عمّه جان دِه باری مقابله وورماسون

دله من گَلَنده بو کافره ایدوری سیزیلتیم اگر اثر

دِنه قمچینی اَله آلماسون داخی گَلمَرَم دله وورماسون

اثر ایلمور بونا هیچ سوزوم او قَدَر ووروب گویَروب یوزوم

یوزیمون بو نیلی سیلی سی نَقَدَر قالور هله وورماسون

بابامین کسوک باشینه گِله ایلینده قمچی وورار منه

توکونوبدی طاقتیم عمّه جان داخی ایتمرم گِله وورماسون

بودی فکری اُلدوره شمر دون منی ظلمینی ایلیه تمام

اُلورم دِه ظلمینی بو دَنی یتوروبدی کامله وورماسون

یِتیشینجه شامه گر اُلمه سم اُلرم خرابه ده من یقین

دِه بو شمره نخله ی کینه سی یتوشوبدی حاصله وورماسون

نه منی اَلیندن آلان بونون نه بیر اوزگه دادرس عمّه جان

و نه اوز جفاسینه بو شقی ویروری که فاصله وورماسون

یِریَنده ناقه یخار منی گَلی ساربان آچار اَل منه

ایلیوم نه چاره یورولموشام دِه منی اراذِله وورماسون

آتاسیز اولاندا اوشاق مگر اونی هر گَلَن دوگَر اینجیدر

دِه بو ساربانلارا رحم ایدوب بو یتیمی بیر بیله وورماسون

نه گوزلدی مطلعی بو سوزون یازانا «حسینی» صدآفرین

سنی تاری عمّه بو شمره دِه منِ زاره سلسله وورماسون