تصور ایلمسن دیلدن اولماسان آگاه

قواردی قیزلاری یوللاردا آت دوشونده سپاه


تصور ایلمسن دیلدن اولماسان آگاه

قواردی قیزلاری یوللاردا آت دوشونده سپاه

بیری قاچوب یخیلاردی چکردی دلدن آه

بیرینه قمچی دگنده دیردی یا الله

الوم نه یاخشی دی الله اسیر اولماقدان

ایقلاریم قابار اولدی پیاده قاچماقدان

سرشک چشم رقیه آخاردی اوز باشینا

ترحم ایلین اولمازدی لیک گوز یاشینا

یتن وراردی گینه تازیانه سین باشینا

دوتوب جداده یوزون عرض ایدردی قارداشینا

الوم نه یاخشی دی قارداش اسیر اولماقدان

ایاقلاریم قابار اولدی پیاده قاچماقدان

اورک داش اولسا یانار اهل بیت اطهاره

دوزوب هامی غمه یالوارمادیله کفاره

ایدنده خار مغیلان ایاقلارین یاره

دیردی خوردا اوشاقلار سر علمداره

الوم نه یاخشدی یا عم اسیر اولماقدان

ایاقلاریم قابار اولدی پیاده قاچماقدان

سکینه قولارینی باغلامشدی لشکر شام

ترحم ایتمزیدی قوم دون بد فرجام

سزیلدینده وراردی او طفله سیلی مدام

قاچاردی آت قاباقندان دیردی یا علام

الوم نه یاخشدی الله اسیر اولماقدان

ایاقلاریم قابار اولدی پیاده قاچماقدان

بو سهلدور که حریم خدا الوبدی اسیر

جفا و ظلمده ایتموبدی شمر دون تقصیر

بیوک کیچک هامونون بوینونا وروب زنجیر

او حالتیله پیاده دیردیله دلگیر

الوم نه یاخشدی الله اسیر اولماقدان

ایاقلاریم قابار اولدی پیاده قاچماقدان

چوخ ایلینده نوا اهلبیت شاه امم

چکوب یخاردی یره ناقه دن او قوم ظلم

وراردی باشلارینا تازیانه اهل ستم

صدا صدایه ویروب سسلنردی اهل حرم

الوم نه یاخشدی الله اسیر اولماقدان

ایاقلاریم قابار اولدی پیاده قاچماقدان

الونجه وار یری یانسام او قوم کینه سنه

بریسی رحم ایلمزدی صفیه ناله سنه

وراندا قمچی تاپولمازدی سس ویرن سسنه

قاچاردی هولیله گاهی دیردی عمه سنه

الوم نه یاخشدی الله اسیر اولماقدان

ایاقلاریم قابار اولدی پیاده قاچماقدان

((حسینی))قلبوی بو غم گتوردی گر درده

آدون جزاده حسینی یازالا دفترده

غم ایتمه معصیتوندن گیچله محشرده

بو شعری نظم ایدنه رحمت ایله هر یرده

الوم نه یاخشدی الله اسیر اولماقدان

ایاقلاریم قابار اولدی پیاده قاچماقدان