درک ائدوب هل من نداسین آچدی حنجر سود امر

عرصه ی پیکار عشقه  گلدی  اصغر  سود امر


درک ائدوب هل من نداسین آچدی حنجر سود امر

عرصه ی پیکار عشقه  گلدی  اصغر  سود امر

 

تک قالوب میداندا چون شاهنشه ذوالاحتشام

نصرتین اوجینده  ینصرنی  دئدی  مظلوم امام

پرده ده  وحیی ائشیتدی  هم سپاه  و هم خیام

سسله دی   گهواره ده     الله و اکبر    سود امر

 

قالدی  بو  اوضائه  حیران  قانتات  و  تائبات

دوشدی  شش سودن طنینه هفت شهر کائنات

اصغر ئوز گهواره سینده قیردی رمزیلن قُمات

تپراقا  گهواره سینن   دوشدی   اطهر  سود امر

 

وادی عرفان اولاندا عرصه گاه کارزار

ترک ایدوب گهواره نی پیکاره گلدی شیر خوار

پادشاه کربلیه وئردی سان سرباز وار

طی ایدوب عشقین نُهاجین اولدی افسر سود امر

 

حرمله   بیر  زبده   تیر اندازیدی    بیداد گر

اَل قوی  بازو کشیده   فاصله آز اوخ سه پر

صیده باخ صیاده باخ اول قاضی ای صاحب نظر

هاتسی صیاد اوخلیار آهونی آخر سود امر

 

جنگه باخ شش ماهیه اولدی مقابل مرد جنگ

اصغرین حلقومینه آتدی  بیر اوخنان اوچ خدنگ

اوخ کماننان آیرلاندا ائتدی حاضر بی درنگ

تشنه حلقومین ال اوسته ماه منظ سود امر

 

اوخ توخاندی حنجرینن  آلدی طاقن سینه دن

سفله  تیر اندازه   لشگر  چالدلار اَل کینه دن

آخدی قان یاقوت مثلی  اوخلانان گنجینه دن

محضر سلطان عشقه توکدی گوهر سود امر

 

سانجلوب اوچ شعبه پیکان شیر  خوارین  حلقینه

ائتدیلر   تصویری    پَر پَر   جلوه لندی   آیِنه

گوردی  هر عارف  کی گلدی  کربلا صحراسینه

وئردی تصویر عَرَضده شرحِ جوهر سود امر

 

عقل  ناقص  درک ائدمّز   ذاتی  در حال مجاز

اوپدی اوخ شش ماهه نی ائتدی کمان سوز و گداز

آفرین   بو شیر  خواره   ایلیوبدی   کشف راز

یوخسا آچماز حنجرین اوچ پر اوخا هر سودامر

 

یادی  دردِ   اصغریله    لبلریم    حاشا   گوله

آغلارام   باخسام    امانی  سو کنارینده  گَُله

نسگل اولسون غنچه نین تاراجی  عاشق بلبله

یاندی گول تک کربلاده اولدی پرپر سود امر