چا تاندا   سود  امرین    حلقینه  طرف   پر اوخ

یئره   باخوب  دئدیلر  ، عرشیدن  ، ملکلر  اوخ 


چا تاندا   سود  امرین    حلقینه  طرف   پر اوخ

یئره   باخوب  دئدیلر  ، عرشیدن  ، ملکلر  اوخ 

                        ***

 گتیردی     سوز    عطش    اصغری   تقلّایه

بو ایسته دی  سو ولی آتدی  بیر ستمگر اوخ                                   

نه جرمون اوسته گورون شیر خواره اوخلاندی                      

سنیدی    قاتل     اَلی    آتدی    نابرابر    اوخ                                              

سود امسه هر سود امر اصغره دئیون  لای لای                                           

نه سود اولوبدی نه سو تاپدی  امدی اصغراوخ

بوغازدان   انَّی   اولوب   حرمله   آتان   پیکان

مگر  وُروردی  کیمی ؟  آتدی  زهر پرور  اوخ

نه  زِه  قریلدی   نه اَل  اَسدی  نه کمان  سندی

نه ئوز یولوندا یوزون دوتدی سمت دیگر اوخ

اگیلدی   شاهین  اَلی    اوخلاناندا   شش  ماهه

 بشیک خیال  ائله دی  وُردی بسکی  لنگر اوخ

 قویون    چالا   ال   ایاق   سر بُریده    تیهولر

گورون  ئولنده  قاناد  باغلی اولسا ،  نِینَر اوخ؟

 بلکده   باغلی   قالوب   اللری     بو مظلومین

 چالاممادی  اَل ایاق  پرسیز  ائتدی   پرپر اوخ

 شکار   ائدنده     قویون   سو  ایچه   کبوترلر

و یا  ائله  اوخ آتون  گورمه سون   کبوتر اوخ

 چتیندی       حرملیه      دادگاه        عاشورا

 سالار  دوباره  صف  روز حشره   محشر اوخ

 حسین  او گونده    دوتار   الده   خنجر شمری

 ابالفضل آهن  عمود   اصغر  الده  اوچ پر اوخ

 ربابه  فرق  اِئلَمَز  هانسی  اوخ  ائوین  یخدی

 نتیجه   بیردی   گوله   دگسه   بلبله   هر اوخ

 نه یاخچی اولدی اوگون گورمه دی رباب اوغلون

 او دم کی   نُه فلکی    تیتردوردی    یکسر اوخ

حسین  ال اوسته  دوتوب شیر خواره نین نعشین

 دئدی   ربابی    اوغول   ائتدی  قاره معجر اوخ

قالوبسان  اوچ گون عطش ای دل آچمیان عارف

 مقام    عشقُوَه باخ     حلقووی   ائدور  تر اوخ

 

                            ***

کیچیک بوغازی بویوک یاره نور عینیم وای

جواب گلدی  کسیگ  حُلقیدن  ، حسینیم وای

                 

                      ***

 

ال    اوسته    اصغرینه     باخدی     التهابیله

دولاندروبدی   یوزون     عرشه   بو  خطابیله

دئدی   الهی   سوسوز    شیر خواره   قربانی

هدیّه         اِیلیورم        نیّتِ           ثوابیله

نه   امتحان   اولا  من  حاضرم  بو   صحراده

توافق   ایله میشم    عهده  ،  صبر    و تابیله

ایکی  سه پر اوخ   آتوب حرمله بو   صحراده

خیامه    هر بیری    اود   سالدی     انقلابیله

بیر اوخ کی شیری یخوب شیرخواره مه دگدی

آتوبدی   حرمله  اوخ   هانسی    بیر حسابیله

اوقدری   تشنه  قالوب  رنگیده    سارالمشدی

یوزون   گوزون   بَزَدیم   قانیله     خضابیله

کیچیکده اولسا بالام   سن بویوک حساب ایله

واروم  بودور   ائله دیم  هدیه  عشق   نابیله

ندا   یتیشدی   ،  حسین ،   کائناتی   آغلاتما

بو  دّرّی    داد  و  ستد    ائیله      ارزیابیله

ال اوسته   اصغروی   ساخلاما   قبول اولدی

سوسوزدی  قویما   بالون جان  وئره عذابیله

بلکده   باغلی   قالان   اللر آغلادور  عرشی

ئوزوم   بارشدرارام     اینجیسه      ربابیله

نفس یولون کسوب اوخ دوشدی سینه سی تنگه

سنار    نظام     فلک     چک اوخی    شتابیله

سوسوز  گلوسینه   قوی  ساربان    کسن اَلُوی

او قانی   عرشیمه  آت      ساخلارام   حجابیله

او  قان    محاکمه ی    روز حشره      لازمدی

واروندی      دادرسی      قوم    کج     مآبیله

بو سود امر باشووی   عرشیده     اوجالدوبدی

نظاره    عرشیم    ائدور   دیده ی      پر آبیله

باخ اصغره چوبالور  سنله گوز گوزه   باخسون

بالوندی    قویما    چخا     جانی     اضطرابیله

بو شیر خواری    حسین   حلقی قانلی دفن  ایله

یووار   کسیک    بوغازن    فاطمه       گلابیله

                       ***

حسین   امانتیمی  ایله دو ن فنا    فی  الله

ربابه     فکر     اِئلَمه   ،    لا اله الا  الله

                       ***

کیمین ال اوسته اوله اوغلی غم شرارینده

بیلر  نه  چکد ی حسین کربلا      دیارینده

نه  طاقتی واریدی  خیمه گاهینه   گئتسون

نه   قتلگهده   قالا  غصه      گیرو دارینده

گئدوب  قییتدی    نچه دفعه    خیمیه ساری

ال  اوسته  سود امری    محنتون فشارینده

حسین کی  لنگریدی    آسمانه   هم  ارضه

او دم کی گوردی نفس یوخدی شیر خوارینده

آتاندا   هر قَدَمین   وُردی ساغ  سولا  لنگر

اثر  اوغول    ئولومی   قویدی    اقتدارینده

او حالینن یئتیروب    مخیمه   اوغول نعشین

قالوب  غریبه   کیمین    خیمه لر   کنارینده

عباسی آتدا    اَوَل  شیر خواری     گیزلتدی

اِئلَه     دایاندی      خِلَل    اولمیا   وقارینده

چاغردی   آی نَنَمین   قاره گون قیزی زینب

حسینین   همدمی اول   غملی    روزگارینده

ربابه  سعی اِئلَه   امّا  بو  حالی     بیلدیرمه

یامان   گونونده  اولار   یار امیدی   یارینده

بو لحن  صحبتی  زینب   اِئشیتدی   مخیمده

ملالی درک ائله دی   قارداشون    شعارینده

گلوب حسینی   ولی گوردی  ائیله  بیر حالدا

چکوب   شراره   محن ،   قلب  داغدارینده

دئدی بو حاله ، نیه  قالموسان ،  آنام اوغلی

اولوب نَلَر ، باجون ئولسون     بلا دیارینده

عبانی  ردّ ائله دی،   گوردی اصغری زینب

باشی آخوب، بوغازی یاره ، قان عُذارینده

بلک   ایچینده   قالوب   نازیک  اللری امّا

دُداقلاری   گوگَریبدی     نفس     فشارینده

سه پر بیر اوخ بوغازن نظمین ایلیوب برهم

پوزوب    نظامی،   گلو،  قالمیوب قرارینده

حسینین آهی   دَییور اصغرین  تلین داغیدور

نسیم  اَسور    ائله بیل  غصّه لاله  زارینده

دئدی باجی بالامون   آل جنازه  سین  مندن...