وُرسا  اندیشه   ورق  دفتر  عرفانی  سحر

نکته پرداز   ائلیَر   طبع   سخنرانی   سحر


وُرسا  اندیشه   ورق  دفتر  عرفانی  سحر

نکته پرداز   ائلیَر   طبع   سخنرانی   سحر

وادی معرفتون  پیچ و خمی چوخدی ولی

شرط اوّلده یازوب  نفس  شکیبانی سحر

کیسمه پیچیده  رَهِ  فلسفه نی منطقه جک

گئتسه ناپخته تاپار  بهره ی  هذیانی سحر

مکتب  فلسفه ده   چخدی   الفبانی  گئجه

منطقون  مبحثینه  چاتدی   الف مانی سحر

سحر  آدیله  بیان  ائتدی  قلم   سوزلرینی

تا  مهار ایلیه  بو چشمه ی  جوشانی سحر

دئدی دنیادی حسین برزخ و عقبادی حسین

گئجه دنیانی  وئروب  اهلینه عقبانی  سحر

آلتی  آی طیّ ائله دی یوللاری میعاده چاتا

انتخاب ائتمه دی هر کربیده هر لانی سحر

یئتیروب   ساحل   نهرُ الغَمَه  اَهلُ  الغَمینی

ائتدی   ساکن    حَرَمِ      بادیه    پیمانی   سحر

اون گون اول دشتیده زهرا بالاسی اولدی  مقیم

نامدار  ایله دی   بیر  قورخولی  صحرانی  سحر

اون  گونون  خاطره سین حشره کیمی  نقل الیور

بو   اَزَلدن    اَبَده    غصّه      گروگانی     سحر

شب   عاشوری  ولی  نظم  فلک  آیری  یازوب

کربلا  ائتدی   ادا   گو  ر نجه    پیمانی    سحر

اوندا   کی   کربو  بلا   گیدی   قرا      پیرهنین    

شبنم    اشگی    دوتا    دامن    ریحانی    سحر

ایستی  صحرانی   اسن  یل   بیراز   آرام اله دی

بیلدی   اود   یاندوراجاک   غملی   بیابانی  سحر

نهرین   اوستونده   دورانلار    یودولار    ایاقی

ایشدیلر   سو   اده لر   دشتیده   غوغانی    سحر

او   سوآ   حسرتیدی   خیمه دی   یورقون بالالار

سالاجاقدی     اودا   جمعیت   حورانی      سحر

هامودان چوخ سود امر اصغری سو تنگه سالوب

اودی     نفرین     ا ئله دی  لیلة الاحزانی سحر

اصغرین   ناله لری    ائتدی      ربابی  نگران

دئدی ای کاش اولا تز بو شب ظلمانی   سحر

قالدی  مشگللر آرا   باب الحوائج     ننه سی

بیلمه دی گورمیه جک بیرده او  نالانی  سحر

بالانون   اللرینی    باغلادی    ئوز    قنداقنا

زخمدار    ایله میه    صورت      زیبانی سحر

بالا    چرپندی   عطشدن    ننه آغلار باخدی

حشره جک گوریمه جک بیر ائله طوفانی سحر

قوری   پستانی  وئروب   اصغرینه ائتدی بیان

ائت    قناعت   بونا وئرّم   دولی  پستانی سحر

ننه  اولسون چوخ آچوب یومما یانان لبلرووی

بو گئجه یات   تاپارام   دردیمه    درمانی سحر

گوره سن   نهری   دوتان  لشگر  آیا  نه اولار

تکجه سیراب   ائده لر   اصغر  عطشانی سحر

بار الها   سود   امر   اصغریمه        رحم ایله

گورمه  چوخ ، دلسیزه  بو نعمت  عظمانی  سحر

صبحه  جک قالسا بالام ال اله وئرّم بشیگین

چالا   لای لای  دییرم   اولماسا  لیلانی سحر

بیرده   بو باره ده   امیدیم   اباالفضله    گلور

یوللارام   واسطه   بنت   شه    بدهانی  سحر

قنداقن   وئرسه   رقیه  ، ئوزی   جریانی بیلر

نهره    عازم     الییر  غیرتی   سقانی    سحر

قینیمی  من  تانورام   هچ کیمی ماًیوس ائلمز

ایسته مز    اصغر   اولا غصّه  گروگانی سحر

سو اگر  تاپسا محال امریدی اصغر سیز ایچه

آچار   اوّل   درِ بو  خیمه نی ، طوفانی  سحر

***

اوگئجه گئچدی ، سحر اولدی یانان صحراده

وئردی   شام   محنین   دورینه   پایانی سحر

ولی   مخیمده  نه سو اولدی  نه عباس گلوب

خیمه سین آچدی  حسین  ایلیه غوغانی  سحر

باخدی بیچاره  رباب، اول  شهه حیرتله  بیراز

اضطرابیله      وروب   قلب   پریشانی   سحر

بیلدی منظوری نه دی  یومدی اول گوزلرینی

آهیلن  آچدی    ایکی   دیده ی  گریانی  سحر

آیری بیر صحبته درک ائیله دی حاجت یوخدی

فوری   تقدیم ائله دی جان ئوزی جانانی سحر

باخدی اصغر دالوسیجاق ، نه دینوب نه دانشوب

یاندی  کول اولدی  ولی ائتمه دی  افغانی سحر

گوزی    آیرلمادی    امّا  بالادان   تلّه  کیمین

یولا  سالدی   بالانی  مقتله  ،    بحرانی  سحر

تلیدن   اندیلر ،  اوننان باشا  ،  ال آتدی رباب

ننه دی   وار یئری ،  ویران  ائده   دنیانی سحر

بوشلا  بیچاره  رباب  آغلاسون   ئوز دردینده

آیری   بیر   حالیده   گور   شاه شهیدانی  سحر

بالا عطشاندی ، شاخورگون ، باباسی گورنینور

ساخلیوب   کهنه   عبا   آلتدا   او  قربانی سحر

یعنی ممکندی ال اوسته بالاسی جان وئرسون

او قَدَر ایستی سالوب درده بو عطشانی  سحر

اَل  کَسَن   لشگره  آخر یئتیروب  سود امری

حجّت   اتمام  ائله دی  امته  طولانی ،  سحر

اصغرین دوتدی ال اوست سپهه وئردی نشان

دئدی شاهد  دوتارام   حضرت رحمانی سحر

باغلیوبسوز سویولون سیز، منه یا سود امره؟

چکموسوز سیز  کیمه گور خنجر برانی سحر

الیم   اوستونده   باخون   سود امرین لبلرینه

اوچ گجه تشنه قالوب ائتمه دوزاحسانی سحر

اولسا   وجدانوز اگر  اصغریمه  سو  یئتیرون

قویمیون   فاطمه  نفرین   ائده  اعدانی  سحر

سعدین  اوغلی، سو قالوب حرملیه ائتدی نظر

ارزیابی  ائله دی  ذهنیده    اوضانی     سحر

حرمله    دقتیلن     اوخلارنا    سالدی    نظر

انتخاب   ایله دی   بیر   تیر   هراسانی  سحر

بهترین  زاویه نی   تاپدی   دیزین    وئردی یره

دوتدی  سرعتله  هدف   بیر قوزی   قربانی سحر

چله نی چکدی سورا بوشلادی اوخ دوشدی یولا

اصغرین   عمری  کیمین گئتدی  یولی  آنی سحر

اولمادی  فرصت او پیکانی حسین رد  ائله سین

هدف  اوسته   اوتوروب    تیر  خروشانی  سحر

اوچ پر اوخ  خوردا  بوغازی  چخادوب نطمیننن

حلقیدن  بیچدی   سر   بی سر و سامانی    سحر

بو غازون   قانینی   شش   ماهه اَوَل سود بیلدی

ایسته دی   تشنه  لیگینن   اَمَه    پیکانی   سحر

قاندا    ایستیدی  ،  گلوده  ،  اوتوران   پیکاندا

اولمادی   اصغره   ممکن   ایچه   تا قانی  سحر

یارالی   قوش کیمی   شش ماهه    بالا چرپندی

هی آچوب  یومدی ایکی   دیده ی شهلانی سحر

قنداقن   بندی   ولی قویمادی   وُرسون اَل اَیاق

تنگه    سالدی    نفس سینه    فروزانی    سحر

نیمه جان  اصغرینی  قبلیه  دوندردی  حسین

غنچه دن  ردّ   ائله دی   خار   مغیلانی سحر

اوخ جدا اولدی ولی سینه سینه آخدی باشی

قالمادی  اصغره هئچ  چاره نون امکانی سحر

دوتدی  اوجوندا   اوغول   قانینی شاه شهدا

آتدی رنگین  ائده  افلاکی ، قزل قانی  سحر

ساخلا  یارب   دئدی  بو قانی  امانت بیزدن

آلارام   داده   قوران   وقتیده   دیوانی  سحر

غیبی بیر سس دئدی قربانون حسین اولدی قبول

حرمله  درک  ائده جک  پاسخ  عصیانی سحر

 

یوز دوتوب خیمه لره اصغری قیترسین حسین

گورمیوب  چشم   فلک   شام  غریبانی سحر

گه گئدوب گه دایانوب ساق سولا لنگر وُردی

اَیاق  اوستونده  اوکی ساخلیوب ارکانی سحر

چاره سیز  قالسون  اگر زینبی  امداده  چاغور

تاپدی   مشگلده   حسین  زینب  علیانی سحر

دئدی ترک ایله  خیامی باجی گَل تلّه  طرف

محنتیم   ایستمورم    یاندرا   طفلانی   سحر

آل باجی سود امرین  نعشینی  قلبیم دارخور

ائلیر   زیر و زِبَر    عرش    معلاّنی    سحر

یوخدی فرصت اوتوروب اصغریمه نوحه دیَم

گئدم   عهدیمده   گرک  راه  کماکانی  سحر

ساخلا زینب بو سوزی یادّا ، اسیر اولمالوسوز

شامه جک تاپشورورام ساخلا اسیرانی سحر

سعی ائله  دوشمیه لر بیر یئره لیلا  و  رباب

اولدورر   یوخسا  رباب   آهیله  لیلانی سحر

بیرده فکر ائتمه هارا  اصغره مدفن  اولاجاک

انتخاب   ایلیه   جگلر    اونا   ماًوانی   سحر

سینه مین  اوخ  یاراسی  اصغریمون  قبر ائویدرو