من اصغرم سلاله ی زهرای اطهرم

گنجینه ولایت حیدرده گوهرم


من اصغرم سلاله ی زهرای اطهرم

گنجینه ولایت حیدرده گوهرم

آل علی باش ایمیوب ایمز ستمگره

استادیدور بابام منه هر درسی ازبرم

آل عبایه فرق ایلمز پیر و خردسال

شانیم منیم کبیریدی با اینکه اصغرم

ششماهیم بو سنلیه باب الحوائجم

اصغردی شهرتیم ولی اکبر در اکبرم

بیلسین هامی بابامدی منیم آفتاب عشق

عباس عمومدی ماه فلک منده اخترم

فکر ائتمیون او عرصه ده من رزمه گیتمدیم

معناده حقه آند اولا عباس دیگرم

صیادلر شکارین اگر تیریله ورار

مژگانیله شکار ایده رم من هنرورم

حشره کیمی اورک لری من ایتمشم شکار

آز سنیله تمام عزاداره سرورم

آل علی محالیدی ذلت قبول ایده

دریا کیمی سو موج ائده منتله ایچمرم

نهر فرات و دجله و زمزم بیزیمکیدی

کوثر آنام بتولیدی من موج کوثرم

سس وئرمشم حرمده امامون صداسینه

سو بیر بهانه دور باباما یار و یاورم

گل لر سارالدی اولدی خزان سولدی گلستان

من باغبان الینده قالان غنچه ترم

صبحه کیمی خیامیده اصلا صود اممدیم

شرمنده محبت بی ریب مادرم

هرکیم دخیل اولوب اتگیمدن دوتا منیم

اولسون قسم رقییه مایوس ائتمرم

کرب و بلایه دوشسه یولوز آه و زاریله

شه سینه سینده یاتمشام ارزنده گوهرم

من بی دفاع بیر صود امر اوخ وران قوی

دوشدوم نه حاله حق بیلوری من دینمرم

آچدی بابام او حالیده باغلیدی اللریم

گوردی قنادی بسته چو خونین کبوترم