اصغریم اوخلاندی قارداش     حنجری دوغراندی قارداش

ای حسینی بلایه سالان گل

یوخ  الیمن  بالامی آلان گل


اصغریم اوخلاندی قارداش     حنجری دوغراندی قارداش

ای حسینی بلایه سالان گل

یوخ  الیمن  بالامی آلان گل

 

سوزلریم قالدی دیلیمده      گل شریک اول نیسگیلیمده

 

جان بسردی جانی چیخمور    چیرپینیر قوش  تک الیمده

جسمی اسدی اخا اوخ دیینده

اوت وئروب جانیمه تیتریینده

 

اصغریم   ئولدی   یوبانما     ایستمور سو دای اوتانما

باش    اوزولدی   پیکرینن     دادیمه   تئز  گل  دایانما

گل حسینه چتین بیر زماندی

اصغریم  الده  قانه   بویاندی

 

اوخ اله  حلقین سیخیردی      اللریمده   داریخیردی

مین دفعه ئولدوم دیریلدیم      چون چتین جانی چیخیردی

جان چیخاندا چالوب ال ایاقین

اوپموشم دم به دم یوز دوداقین

 

 اللریم اوسته وئروب جان      یخدی  عباسی  بو  پیکان

 اصغری  الدن  آلان  یوخ        قالموشام   آواره    حیران

 دوشدی جانیم اخا سوزو سازه 

اللریمده     قالوبدی     جنازه