زینبون قارداش گلوبدی خاک پایون بوس ایده

باغ وصلون صحنصینده جلوه طاووس ایده


زینبون قارداش گلوبدی خاک پایون بوس ایده

باغ وصلون صحنصینده جلوه طاووس ایده

گلمیوب چوللرده سرگردان قالان افسوس ایده

 

منده دل یوخدور دیئم ، شیرین دلیم منلن دانیش

سن اوزون آخر دیلون قربانی بیر دیللن دانیش

من دیدیم اوز دردیمی نوبت سنوندور سن دانیش

آغلادیم یاندوقجا قلبیم دوتدی قان یاش عالمی

یاندیرار سو اولماسا اما شررپاش عالمی

آیری عالمدور دیللر باجی قارداش عالمی

هاردا قالدی بس او عالم سید و سرور منه

وار یادوندا بیر گونی یثربده ای شاه جهان

گون قباقینده منی دوتموشدی بیر خواب گران

گون اذیت ایتمسون قیلدون عبانی سایه بان

عهد قیلمیشدوم ایوم اول لطفوی پاداش حسین

گون او گوندی ای سلیل پادشاه قل کفی

زینی غمدیده ایتسون عهد دیرینه وفا

بیر زادیم قالمور ولی ایله سویوب اهل جفا

اولمشام منده سویولماقدا سنه یولداش حسین