خـالق عـرض و سماء فاعل و جاعِل دی خدا

قـادر لـم یــزلی ، مـطـلق کامــل دی خدا

طالب و غالب و هم ، واصل و عادل دی خدا

لَـم یَلِـد بیرده کــی لم یولدٌ واللهٌ و صَمد

بیردی همتاسی ده یوخ لیسَ لَهٌ کٌفوأ اَحد


خـالق عـرض و سماء فاعل و جاعِل دی خدا

قـادر لـم یــزلی ، مـطـلق کامــل دی خدا

طالب و غالب و هم ، واصل و عادل دی خدا

لَـم یَلِـد بیرده کــی لم یولدٌ واللهٌ و صَمد

بیردی همتاسی ده یوخ لیسَ لَهٌ کٌفوأ اَحد

صاحب کٌون فَیَکٌون دور آدی رحمان و  رحیم

عٌـدَّتـی فـی شِـدَّتـی ذکـر ایلیور اهـل کـلیم

چوخ دئیوب لاتَقنَطٌوا مِن رَحمَهِ الله اول کـریم

رحمتیندن دادماسا کیم  مثـل خاکستر اولار

هر ایشین گر اولماسا سر لوحه سی ابتر اولار

درهّ نـی آلچاق ائدوب داغلاری اَرفَع یارادوب

گئجه نی ظلمت ائدوب صبحی مُشَعشَع یارادوب

آبــیـلـه آتــش و تـپـراقـی  مٌنـَوَّع یـارادوب

بَزییوب یئر گوکی ایجاد ایلیوب رنگ به رنگ

کرمـینـدن بـشر حـیرتـده قالـیبــدور پالنگ

گوندروب ئوز طرفیندن بیـزه پیغـمبـرینی

عرشیدن نازل ائدوب فرشه او حق دفترینی

دالیسیجان گئتیروب حافـظ دیـن حیدرینی

بشره رحمت حق کامل ائدیب نعمتینی

کافره یـا که مسلمانه وئـروب رحمتینی

اسم اعظملری گلمز باشا مـن  سایسام اگر

قوتولار یئر، یئر اوزونده آدینی یایسام اگر

یاپیشار لحظه به لحظه اَلـیمـی  جایسام اگر

منده  هر لحظه اونی حمد و نماز ایلیرم

بنـده یـم درگـهیـنه راز و نـیـاز ایلیرم

شکر اولا درگهینه گئـتـمـه میـشـم آیـری یولا

رحمتین شامل ائدیب ، لطفین ائدم حقین ادا

کـاش عـنـایـت ائـلیـه الـده قـلم جاری اولا

حکمت و حشمتینی عالمه  عنوان ائدرم

عمرومی صرف غم شاه شهـیدان ائدرم

بیلورم گر چه اوزوم  نـنـگم آقــا درگهیوه

یوخ لیاقت که یازام حـمد  و ثـنـا درگهیوه

فاخـرم ، نـوکـریـوم  منـده رجـا درگهیوه

نه آقـا یـحـیـوی و مـنـزوی و اَنـوریـوَم

ایکی دنیاده فقط ریـزه خـور اکـبـریـوم

نقل ائدور راوی مـحرم آیـی دوتموشدوق غزا

مـسجـد و کـوچه و بـازاره چکیلـمیشـدی قـرا

اوچ گون آماده اولونموشـدی ائـدخ آه و نـوا

بیـر نـفـر عـالـم ربـانّـیَ وئـردوخ خـبـری

روضه ی شاه شهـیدانـیـله ائـتسـون سـپری

هامی آماده اولوب تا چیخا منبر باشینا

قاتالار خونِ دلی دٌرّ گران گوز  یاشینا

ویرالار سینه لرین آتش  غملـر داشیـنا

باشلادی حمـد و ثنـای حَیِ داور اوخودی

روضیه چونکی یئتیشدی علی اکبر اوخودی

هامی حیرتده قالوب روضه ی مولانی گودور

یـوسـف فـاطـمـه و شـاه شـهیـدانی گـودور

زینبین زولفون آغاردان او دل آرانـی گودور

مجلسه خاتمه وئردی ائـلدی حـقـی دعا

ظلمی نفرین ائلدی ائتدی طلب کربوبلا

روز دوم یئـتـیشـوب بـزم عـزا اولـدی عیـان

هامی مسجدده اولوب حاضر اورگلر دولی قان

الغرض روضه ی اکبـر یئـنـه ده اولـدی بیـان

روضه ی اکبریلن مجلیسی پایان  ائلدی

یئنه ده روضه ی مولانی او پنهان ائلدی

روز سوّم من اوزوم عالـمی دیدار ائلدیم

منی حیرتده قویان مطلبی  آشکار ائلـدیم

اوتوروب بیر نئچه ساعت هله گفتار ائلدیم

دئدی منبرده بوگون فاش ائدرم حکمتی وار

نیه اکبر اوخودوم جـای حـسیـن عـلتـی وار

باشلادی روضه سینی عالم فرخنـده  تبـار

سینه زنلر ییغیشوب مادح و شاعر هامی  وار

حکمتین فاش ائلدی پرده لری ائتدی کنار

پیر ونورسته جوان باشلادیلار آغلادیلار

شبه پیغمبرین احوالینه دل داغـلادیلار

الغرض یوسـف زهـرانیـن او ارشـد بالاسی

إذن میدان آلوب اَما داریخور چوخ  آتاسی

خیمَلرده الی قوینـونـدا دوروبـدور آنـاسی

هِی دئیور گل دولانیم  باشیـوا لیـلا گـوزلی

منی آغلاتما بو قَدری دیلیمون خوش غزلی

گیدیرور جنگـی لبـاسیـن آتـاسی دقـتیـلن

گه اوپور ،گاهی قوجاقلور بالاسین حسرتیلن

یولّییور رزمی گهه ،لیک او غـم ومحنـتـیـلن

دئییر اوغلوم یئری قوی بیرده باخوم قامتیوه

دوزه بیلمم نه ائـدیم سـن گئدیسـن فرقتیوه

چاغیریب عمه لرین تا کی اورگ داغلیالار

لباسین کامل ائدیب چکـمه لـرین باغلیالار

باخالار قسمتـینه بـیـر دولـی گـوز آغلیـالار

گله لیلا آنـاسی شـانـه ویـرا تلـّرینـه

گوز یاشیلان سو سَپَه بوسه ویرا الّرینه

آناسی سسلدی ناگه بـالاسـین خیـمه سیـنه

دئدی اوغلوم آناوین دقت ائله  عرضه سینه

یانیرام پر ویریرام فـرقتـیویـن شـعلـه سینه

بینوا لیلینی آغلار قویوسـان تـرک ائـدوسن

تاپشیرورسان منی پس سن کیمه آیا گئدوسن

خواهشیم واردی اوغول ردِّ جواب ایلمه گل

سوزولَن گوز یاشیمی  سـیل سـراب ایلمه گل

آناوون قلبی یانور سـنـده کـبـاب ایلـمه گل

منی تاپشور او بیبین زینبه اوغلـوم صورا گئت

گل اوپوم بیرده یوزون ،قلبیمه وئرما یارا گئت

آغلاشیب قول بویون اولدی ایکی معشوق ازل

خیمه دن چیـخدی چـوله شـبه پـیمبر  اوگوزل

گوردی زهرای سه سالـه باجیسـین مثـل  عـسل

گوزیاشین توگدی یوزه سویلدی زهرای دگر

صحبتیـم وار سنـیله گـل گـوزلیـم ایـله نـظر

من سنه فخر ایلیـیوردوم نـئجه سنسیز قالارام

عادت ائتمیشدیم اَخا عطریوی کیمدن آلارام

بو کیچیک قلبیمه سنسیز غـم هجـران سالارام

عیبی یوخ گئت دئمیرم غارت اولاندا گله سن

دئییرم شامیـده کـاش تـکجـه قالاندا گله سن

چوخلی سوزلر اولونوب آغلادیلار اهل حرم

داها چوخ سوزلره  عـاجیـزدی دیینمیر بو قلم

لیلینون قلبینه اول گئتمه گیـلـن ائتـدی سـتم

قدمین  قویدی رکاب اوستونه میدانه گئدوب

سوسوزیـدی ولـی اول رزمـه دلیرانه گئدوب

گوردی سعد اوغلی گلور شوکتی چوخ چوخدی بونون

بَــکـری مـأمـور ائـلـدی تـا یـئـتـیره  قــتــلـه اودون

او  ســپـاه  ایـچـره  قـوی  هـنگـیدی  دارای  فـونـون

عرصه نی بَکره ، علی فنّ ایله مشکل ائلدی

بیردنه ضـربتـیـلن دوزخـه واصـل ائلدی

قییدوب خـیـمـلـره سـویـلـدی عطـشانم آتا

یانیـرام سـوز عـطـشـدن مـنه سـو ایـله عـطا

بدنیم ضعف ایلیوب یوخدی بو جسمیمده قوا

دیلینی قویدی او عطشان دوداقا میـر اٌمَـم

ائتدی ثابت کی اوغول منده الان تشنه لبم

قوت آلدی آتاسیندان یئنه میدانه گئدوب

زینبیله آناسین قویـدی یـانـا یـانه گئدوب

باخماقا میدانا تَلّ اوسته حرم خانه گئدوب

اوجا بوی عمّه سی  زینـب هامیدان یاخشی باخور

کیم وئروب کیم ییخیلیبدوراوجادان یاخشی باخور

جنگین اول بهبوهه سینده اوجالوب  آتش کـین

گوردی سعد اوغلی قیریر هرزه کیمین شبه امین

مـنـقـذه ائـتـدی اشـاره ائـلیـه فـوری کمـیـن

غفلتأ ضربه  ایـلـن ئولـدوره لیلا بالاسین

باطنأ ئولدوره مین دفعه ده زهرا بالاسین

بی پدر ائتدی کمین وئردی اولان قدرتیلن

بـولدی پیـغـمبـری عمـّـامه سینی  وحشتیلن

بورودی گوزلرینی لختـه ی قـان شـدتیـلن

گوردی زینب ییخیلیب تپراقا آچدی  باشـینی

بیلدی لیلا نه اولوب توکدی یوزه گوز یاشینی

گـلـدی مـولا بـاسـین گـوردی کـی القانه باتوب

جان چیخیب تشنه لب وایستی قوم اوستونده یاتوب

یـارالـی لـذّت  دنـیـانـی  بـئـلـه  گـوزدن آتـوب

ئولومی درک ائلدی بش دفعه مولا او زمان

نعشین اوسته ییخیلیب ائدی اودم آه و فغان

سردی تپراقلارین اوستونده عباسین غمیلن

اوغلونون نعشینی ییغدی او هماسین غمیلن

عرشه قوزاتدی اودم آه و نـواسـین غمیلن

آپــاروب  خیملـره وقـتـی کی گـوردی آناسی

ئوزونی وار یئری کی،من دییَم ئولدوردی آناسی

عـالـم امــا بـو قـدر غـصـه لـری ائـتـدی عیـان

ائشـیـدن مـرد و زن و پـیر و جـوان ائـتدی فغـان

فاش اولوندی کی شهین روضه سی اکبر دی همان

مجلسه خاتمه  وئـردی ائلـدی حقین ادا

لطف ائدوب  اصغر الماسیه ده ائتدی دعا