بیر سوسوزدان قوریان لبلری سو یاد ایلر

گئجه نی صبحه کیمی سو اودو فریاد ایلر


بیر سوسوزدان قوریان لبلری سو یاد ایلر

گئجه نی صبحه کیمی سو اودو فریاد ایلر

گزر آواره ورار باشنی داشدان داشه

ناله ائیلر دالیدان ذبح اولونان بیر باشه

بلی لازمدو گرک شیعه اولان آغلاشه

گر چه آغلاشماقا بیگانه لر ایراد ایلر

گوزؤن یاشنی جاری ایله کم اولما سودان

او تباکا وجب الجنته آئیل یوخودان

لخته لخته اورگی شیعه اولانون اولو قان

گئجه لر یاتماز حسین آدینی اوراد ایلر

سینوی چاک ایله آغلا زن ثکلالرتک

اولما بیچاره تماشاچی او اعدا لرتک

غوطه ور قانوه سنده او شهدا لر تک

سنی مانع گورک هانسی ایوی برباد ایلر

نجه خاموش اوتورورتشنه لب آقاسی اولن

بوینی چینینده گرک آغلیا مولاسی اولن

اولو مجنون دولانو ر چولری عباسی اولن

باش آچوق کوچه و بازاره دوشوب داد ایلر

زینب غم زدیه گر ساق اولیدی عباس

عالم اولسیدی عدو ایتمزیدی ذره هراس

قویمادی شمر حسینه او خانم دوتسون یاس

بو قدر ظلمی نه فرعون نه شداد ایلر

آتام آنام سنه قربان ابا عبدالله

معاویه اوغلی سنه ائیلدی ثابت نه گناه

اولدروب تشنه سنی بولمدی قوم گمراه

اولدورنلر سنی پیغمبره بیداد ائیلر

یاندران بیر اوتون آدیدو محرم نامه

نقدر شرح اولونا یتمیه جک اتمامه

آغلیانلار بو شه بیکس و تشنه کامه

قارداشی الده اولن باجیه امداد ائیلر

گوردی کل اوسته حسینون قویوب اعدا باشنی

گلدی افغانه آچوب حضرت زهرا باشنی

اوخشیوب آغلادی اوپدی کی او زیبا باشنی

او باشون عشقی بیزی نالیه معتاد ائیلر

وار هر کیمسه حسین دامننه چنگ امید

گر شقی سه اولار آخر نفسنده او سعید

خواه جامه اولا بیضا سیه خواه سپید

پیر کامل اونی بیر لحظه ده ارشاد ائیلر