ماه محرّم اولدی گینه گوگلر آغلادی

دوشدی جهانه غلغله عالملر آغلادی


ماه محرّم اولدی گینه گوگلر آغلادی

دوشدی جهانه غلغله عالملر آغلادی

گلدی مه محرّم و ایّام تعزیه

بو ماتم عزاده گورون کیملر آغلادی

شاه رسل امیر عرب ختم انبیا

عمّامه سین آلوب اله پیغمبر آغلادی

دوندی خزانه گلشنی زهرای ازهرین

خاک نجفده سرور دین حیدر آغلادی

باشین آلوب دیز اوسته یارالی ویرنده جان

خیرالنّسا باشیندا قرا معجر آغلادی

قید جفائیله قولی باغلاندی زینبین

گوردی بو حالی شوره گلوب لشکر آغلادی

چکدی سکینه آه جگرسوز سینه دن

قتلاده نعش اکبر مَه منظر آغلادی

اولدی سریّه لشکر کفّاره دستگیر

توپراقلار اوسته قاسم گل پیکر آغلادی

کلثوم اولاندا ذلّتیله ناقیه سوار

عبّاس نامدار وفاپرور آغلادی

زینب ایدنده ناله چکوب وامحمّدا

فریاده گلدی اهل سما یکسر آغلادی

آل عبا مصیبتینه ختم انبیا

گوزدن توکوب جمالینه اشک تر آغلادی

قتل حسینه ایلدی اقدام شمر دون

اوّل الینده رحمه گلوب خنجر آغلادی

شامه طرف اولاندا روان کاروان غم

یر آغلادی گوی آغلادی نه کشور آغلادی