حسینه یرلر آغلار حسینه گویلر آغلار

بو آیدا ناله ایلر جدّی پیمبر آغلار


حسینه یرلر آغلار حسینه گویلر آغلار

بو آیدا ناله ایلر جدّی پیمبر آغلار

ال سینه ده ملائک آه و فغان ایدولّر

ایوای حسنیمی ایوای ورد زبان ایدولّر

محنت لرین بو نوعی شرح و بیان ایدولّر

یعنی جهان عشق و صفا حسینه آغلار

وار هر کیمون اورکده سودای کربلاسی

ایلر ایوین حسینین بزم غم و عزاسی

بلبل کیمی سیزیلدار اوج ایلیر نواسی

آنلار نه چونکه عرش اعلی حسینه آغلار

بو سرور شهیدان معنا ایدوب نمازی

دریای خون ایچینده برپا ایدوب نمازی

قربان اولوب نمازه احیا ایدوب نمازی

ایلر نماز و قرآن آوا حسینه آغلار

مین یوزلی لر جهاندا هرگز مرامه یتمز

آدین قویان مسلمان دیندن کناره گیتمز

واللهی بی حجابه زهرا شفاعت ایتمز

هر آن حجاب ایچینده زهرا حسینه آغلار

یونگول سایان حجابی بولمز عفاف و تقوا

فقط حجابیلندی حفظ مرام زهرا

زینب حجابه خاطر اولدی اسیر اعدا

آیات نور و رحمت تقوا حسینه آغلار