گورسندی غم هلالی ماه محرّم اولدی

ای شیعه گل فغانه ایّام ماتم اولدی


گورسندی غم هلالی ماه محرّم اولدی

ای شیعه گل فغانه ایّام ماتم اولدی

شیعه گرک بو آیدا گلسون فغانه هردم

قیلسون انین و ناله اولسون غمیله همدم

توکسون سرشک محنت دوتسون حسینه ماتم

چون اول شهین جلالی بو آیدا برهم اولدی

عالم اولوب سراسر بیت الحزن بو آیدا

افاقی دولدوروبدور درد و محن بو آیدا

قانیاش توکر عذاره هر مرد و زن بو آیدا

باشلاندی وقت محنت چون موقع غم اولدی

اولدی مه مصیبت دولدوردی غم جهانی

گل داده آغلا شیعه گلدی عزا زمانی

بو آیدا درد و محنت آغلاتدی ماسِوانی

گویا تمام گوزلر بو آیدا پرنم اولدی

پیغمبرین عزیزی شیعه همین بو آیدا

کرب و بلا چولینده قالدی غریب و تنها

پرگار تک ستمله اطرافین آلدی اعدا

فکر ایت او دشت غمده گور بیر نه عالم اولدی

بو آی جسارت ایتدی ظلمونده قوم اعدا

بو آی سولوب سوسوزدان گل تک عیال طاها

بو آی بویاندی قانه آرام قلب لیلا

بو آی علی عیالی محنتله همدم اولدی

بو آی پوزولدی یکسر نظم و نظام عالم

فریاد واحسینا قالخار سمایه هردم

بو آی فغان و داده زهرا اولوب مصمّم

ماتم نشین بو آیدا زهرا و مریم اولدی

عرش خدایه چخدی بو آیدا شمر کافر

تاراج اولوندی بو آی جاه و جلال و زیور

یاندوردی خیمه گاهی اول فرقه ی ستمگر

زهرا عزیزی بو آی هر درده مدغم اولدی

بو آی مکمّل ایتدی ظلمین سپاه اشرار

بو آی بویاندی قانه انصار شاه ابرار

مشک اوسته ویردی جانین هم اللرین علمدار

یاتدی علم، علم تک اوز قامتی خم اولدی

بو آیدا خیمه لرده بیر قطره قالمیوب سو

بو آی سولوب سارالدی گل تک بنات مه رو

بو آی حسینه تاپدی ال فرقه ی جفاجو

مغلوب قوم کافر سلطان اعظم اولدی

خوندل اورکده دردون وار، آغلا ایسته درمان

باخما بو غم ایدوبدور افکاریوی پریشان

بو دودمانه وور چنگ صدقیله ایله افغان

هر کیمسه چنگ ووردی دلشاد و خرّم اولدی