التّوبه ای شه دین،بیرحرّه قیل نظاره

لطفیله بیرنظرقیل،آقا بوشرمساره


التّوبه ای شه دین،بیرحرّه قیل نظاره

لطفیله بیرنظرقیل،آقا بوشرمساره

**********

گرچه یوزوم قرادور،امّا سنه دخیلم

بودرگهونده آقا بیر بنده‌ی ذلیلم

قارداشیمیله اوْغلوم،گللم سنه قول اوْللام

قوْغما منی قاپوندان،دردیمه ایله چاره

**********

گرچه اؤزوم مووقّر،چوْخدورمنیم گناهیم

بوقاپیدان بیرآیری،یوْخدورامیدگاهیم

لطف ائت‌گیلن بوحرّه،آقا سن اوْل پناهیم

تقصریمی باغشلا،اوْل طفل شیرخاره

**********

آقا سیزی گتیردیم،من دشت کربلایه

آلعبانی سالدیم، بوغملی ماجرایه

من باعثم بوامره،بودرد بی‌دوایه

لطف ائیله قیل محبّت،آقا بوتوبه کاره

**********

من مجرمم اگرچه،سن معدن عطاسن

من بنده‌ام ولیکن،سنده منه آقاسن

مجموع ممکناته،عالمده پیشواسن

عفو ائیلر هر گناهی،آقا بوتوبه کاره

**********

من تازه میهمانم،اولادمصطفایه

یوزقوْیموشام آقاجان،بوتربت شفایه

چوْخدورمنیم امیدیم،باللاهی خاک پایه

ال دامنوندان اوزمم،تا ائتمیونجه چاره

**********

گؤردی یوزون قوْیوبدور،توپراقه زاروْمغموم

فرمایش ائتدی حرّه،لطفیله شاه مظلوم

غم چکمه هئچ کیم اوْلماز،بودرگهیمده محروم

اوْلسا گناه وْجرمی،هرقدرئ بی‌شماره

**********

بوآستان از‌لد‌ن،وارآستان رحمت

هرکس دخیل اوْلسا،واردوراوْنا شفاعت

مأیوس اوْلماز هئچ کیم،هرقدراوْلسا حاجت

عفوایلدیم گناهون،اول حی‌ کردگاره

**********

بوشرطیلن کی زینب،اوْلسون رضا بوامره

سرخیلدور بوچؤلده،چونکی حر‌ملرایچره

قلبی سینوبدی سند‌ن،اول زارغم کشیده

گئت خیمه ده تسلّی،وئرسن اودلفکاره

**********

فرمایش ائتدی حرّه زینب به آه وْافغان

هرقدراوْلسا جرمون،عفوائیلرم زاحسان

توْپراقیدن گؤتورباش،غم چکمه اوْلما گریان

بوآستان حقده،قیل رحمته نظاره

**********

ائیله نصیب یارب مجموع حاضرینه

هم بانی‌بوبزم وْراثی وْذاکرینه

خائف دخیل اوْلوبدور،بوچاکرکمینه

محشرده ائیله‌سونلر،لطفیله بیراشاره

**********