بو یاس نه یاسدی بیلمورم تمام عالم آغلیور؟

بو ذبح اولان جنازیه بساط اعظم آغلیور


بو یاس نه یاسدی بیلمورم تمام عالم آغلیور؟

بو ذبح اولان جنازیه بساط اعظم آغلیور

مین ‌اوچیوز‌ ایرمی‌یدّی ‌ایل کچوبدی قانی داشلانور

تمام شرق و غربیده بو انقلاب باشلانور

بو قاندا بیلمورم نه‌وار چخوبدی عرشه هلهله؟

بوقان نه‌قاندی ای خدا سالوب جهانه زلزله؟

آچاندا قبری گوردیلر یارالی بیر جنازه‌دور

یوز اَلّی ایلدی دوغرانوب بدنده قانی تازه‌دور

کفندی کهنه بوریا، نه باشی وار نه اَلّری

حصیر ایچینده قول بویون آلوب قوجاقه اصغری

دیولّه بیر یهودی‌دور آچان حسین مزارینی

دوروب باخاندا قبرینه آپاردی اختیارینی

لَحَد داشین که قوزادی یهودی وحشت اِیلَدی

سووُردی باشه توپراقی دوروب قیامت ایلدی

دیدی آتام آنام فدا اوُ پاره پاره پیکره

اوُ نهر اولان بوغازووه، او قطع اولان بیلک‌لَره

یوزالّی ایلدی ئولموسن بو قان نه قاندی یاحسین؟

بو تازه قاندی جوش ایدور وَ یا که جاندی یاحسین؟

اوُ قانه مذهبیم فدا، او قانه مکتبیم فدا

اوُ قانه عترتیم فدا، او قانه ملتیم فدا

قبولِ دینون ایلورم حمایت ایله یاحسین

قیامتون گونونده سن شفاعت ایله یاحسین