مظهر عدل و عدالت عین عزت  سن  حسین

صاحب جود و کرم کان کرامت سن  حسین


مظهر عدل و عدالت عین عزت  سن  حسین

صاحب جود و کرم کان کرامت سن  حسین

فرقی یوخ اوغلونلا  بیر قاره غلام آقا سیزه

فاطمه دردانه سی دریای  رحمت  سن  حسین

کربلاده  خانه احسانی  آبا د ائیلدون

حکم  آزادی  یازیپسان جونی دلشا د ائیلدون

بختی آغ قاره غلامین  قلبینی شا د ائیلدون

عرض ائدیپ مولاسینا  کان کرامت سن حسین

عرض ائدیپ قووما قاپیندان روسیاهم    سیدی

عمری سنسیز  نینیرم من عبد شاهم سیدی

گرچی چوخ نالایقم من  بی پناهم   سیدی

رحمه  للعالمینه  سن  کی حجت  سن  حسین

الغرض قاره غلام آلدی سعادت نوبتین

جنگ ائدیپ چوخ عاقبت ایچدی شهادت شربتین

آخدی قانی مقتله گورستدی نوکر خدمتین

 فکرائدیپ کی گلمه مولاچکمه زحمت سن  حسین

گوردی ناگه باشینین اوستونده حاضر دی آقا

 حالینا ا فکارینا هر لحظه نا ظردی آقا

مهرباندی هر زمان  انصاره ناصردی  آقا

عرض ائدیپ کی مظهر حق  و عدالت سن حسین

آلدی آغوشه غلامین  باشینی مولا او دم 

گوزیاشی آخدی گوزوندن  گورسنیر آثار غم

حمل ائدیپ اخیامه نعشین آغلاشیپ اهل حرم

 گوردی عالملر  کی سن عین عطوفت  سن حسین

یاحسین   بیزلرده  واللاه  روسیاهیخ  گلمیشیق

معصیت ده غوطه ور٫غرق گناهیخ  گلمیشوخ

هرمکاندان طرد اولونموش بی پناهیخ گلمیشوخ

 دوتماقا سائل  الیندن سن کفایت سن حسین

یوخدی قورخوم هئچ مکانداگردوتام من دامنین

 من غلامم جونه مولا ال منیم دامن سنین

اولماسان محشرده قورخوم وار اولا ایشلر  چتین

روز محشرده یقین باب شفاعت سن  حسین