گینه گلدی ماه محرّمون ٫ هامی باتدی ماتمه یا حسین

وئر اجازه آدوی شیعه‌لر ٫ یازا قارا پرچمه یا حسین


گینه گلدی ماه محرّمون ٫ هامی باتدی ماتمه یا حسین

وئر اجازه آدوی شیعه‌لر ٫ یازا قارا پرچمه یا حسین

 

توکولور گوزوم یاشی دامنه ٫  بو نه دردیم اولسا دواسیدی

هامی قارا کوینگیلن گزیر ٫ هامی یئرده نوحه صداسیدی

خبر آلسالار کیم ئولوب گینه ٫ دییر‌م آقامین عزاسیدی

او کی دردی وار ائدیر آدوی ٫ اور‌گینده زمزمه یا حسین

 

بیلیر‌م مسیح ائد‌ر آرزو ٫ اولا نوکر آل پیمبره

دئمیر‌م کی نوکریو‌م ولی ٫ وار علاق‌ عترت حیدره

علی اصغره گوره امر ائله ٫ یازا اکبر آدیمی دفتره

چوخ عنایت ائیلمیسن منه ٫ اودی قانعم کمه یا حسین

 

آقاجان کیمین قاپیسین دویوم ٫ کی سنین کیمی اولا ذوالکرم

کرموند‌ن ائلمه ناامید ٫ بو گدانی ای شه محترم

آچ او باغلی یوللاری ایل به ایل ٫ گله شیعه‌لر دولا بوش حرم

بیزی مَحرم ائیله اوزون بویور ٫یول آچیخدی مَحرمه یا حسین

 

سنی آند وئرر‌م او حاله کی ٫ یئره دادخواهیوی ییخدیلار

سو یانیندا توپراقا حامل ٫ علم سپاهیوی ییخدیلار

دئدی گل هرائیمه سیّدی ٫ منی بی‌پناهیوی ییخدیلار

آپاریب او جذبه خیامید‌ن ٫ سنی نهرعلقمه یا حسین

 

گوزی قانلی باخدی جمالیوه ٫ دئدی ای شه زمن آغلاما

نوه‌ محمّدمصطفی٫ پسر ابوالحسن آغلاما

سنه جان دوداقدا من آغلیرام ٫ باشیم اوسته باری سن آغلاما

دوروب اللروندن ئوپنمیر‌م ٫ اودی دوشموشم غمه یا حسین

 

جالانیبدی گرچه سو مشگیدن ٫ عموسین رقیّه امین بیلر

یتیر اول امانتی زینبه ٫ اوزی  آهیمین اثرین بیلر

علمیله مشگی مدینه ده ٫ نئجه ساخلار امّ‌بنین بیلر

منه نوحه کیم دئسه سو سوزون ٫ اوخوسون مقدّمه یا حسین

 

قورویوبدی  گرچه دوداقلاریم ٫ من عزیز ساقی کوثرم

بابام الده سو گتیریب ولی ٫ سن آقامسان ایچمسون ایچمر‌م

آقالیق وارون آقاسان منه ٫ علی اوغلیام، سنه نوکرم

بو شرفله ائیلرم افتخار ٫ شهدای عالمه یا حسین

 

دی باجون حلال ائلسین منی ٫ اونا یاخشی قارداش اولانمادیم

سویی  خیمیه یئتیر‌نمدیم ٫ غم غصه د‌ن قوتولانمادیم

هله دردیم آرتدی گلنده سن ٫ باشووا اَقللی دولانمادیم

سَند جهادیمی مُهر ائله ٫ وئریم عمره خاتمه یا حسین