سس دوشدو اهل عالمه ماه عزا گلدی

ای کربلا آماده اول شاه شهدا گلدی


سس دوشدو اهل عالمه ماه عزا گلدی

ای کربلا آماده اول شاه شهدا گلدی

 ماه محرم دیر سنین دشتین اولوب گولشن

منزیل ائدیب سنده حسین ای وادی ایم‌ن

قویما فراته ال تاپا بی‌رحم‌دیر دوشمن

بیر کاروان مهمان سنه ای کربلا گلدی

 دریای رحمتد‌ن چیخیب بیر گوهر الماس

همتا اولا بیلمز اونا هئچ خضریلن الیاس

ظلماته نورافکن سالیب، بدرالدجا عباس

نصر من الله پرچمی صاحب لوا گلدی

 قویدی  قد‌م توپراقوه شاه ملک لشگر

سیاره شمس قمر قاسم علی اکبر

محمیلده بانوی حر‌م گهواره‌ده اصغر

زهرا قێزی  زینب کیمی بیر مه لقا گلدی

 واضیح دئییم آخر سنه ای کعبه ثانی

شام اهلی آغلار قویماسین بیچاره لیلانی‌

قویما گتیرسین مقتله سعد اوغلی  زهرانی

جام الده بیر اوچ یاشدا قیز دیلده نوا گلدی

 قویما حریمونده سنین شمر ایلسین طغیان

طاووس زرین چترلر تا اولماسین گریان

قویما سپهر عز‌ته صیاد آتا پیکان

شهپر آچیب گلزاریوه فوج هما گلدی

 تاپدین مقام منزلت ای دشت میهماندار

دی  کسمه‌سین قوم اسد یول اوسته قربانلار

یتمیش ایکی جان وئرمگه گل اوزلی  قربان وار

یاسه باتان طوی حجله‌سی نو کدخدا گلدی

 یاز نادری عالم بو گون گیمیش قرا آغلار

ال قولتوقوندا مرد و زن، شاه و گدا آغلار

گویا محرم دیر گینه، ارض وسما آغلار

صاحب عزادیر مجلسه خیرالنساء گلدی