یاران گلین فغانه، ماه محرم اولدی

دوتدو جهانی ماتم، بیر اوزگه عالم اولدی


یاران گلین فغانه، ماه محرم اولدی

دوتدو جهانی ماتم، بیر اوزگه عالم اولدی

بیلمم نه غمدی یارب، تازه لنیر بو هر ایل

بو دردید‌ن علاوه، اولدی غریبه مشکل

اولماز بو درده چاره، اولدی بو تازه نیسگیل

اول شاه کم سپاهین، زوواری بر هم اولدی

نیسگیللرون فداسی ای شاه بی‌مددکار

اولمادی گرچی بو ایل، کرب و بلایه زوار

ساللیق خیاله قبرون، اوللوق سنه عزادار

بو ایلده بو مصیبت غم اوسته بیر غم اولدی

هانسی غمینله مولا بیلمم گلک فغانه

یوخدور دیلیمده یارا، جمله چکیم بیانه

کیمدیر دوزه سنین تک، بو درد بیکرانه

کیم سن کیمی بلاکش، ای فخری عالم اولدی

ویردیله عون و جعفر، اول چولده تشنه لب جان

اولدی علی اکبر راه خداده قربان

ایتدیله شیره‌خواره طفلون، نشان پیکان

ظلم اوسته ظلم تازه، مولا دوباره اولدی

لیلانی ایتدی مجنون اول اکبرین فراغی

صبر قرارین آلدی، وصلینین اشتیاقی

اولدیردیلر ستمله، گورمدی توی اوتاغی

گوردو بوحالی لیلا دردیله همدم اولدی

قالماز اورکده طاقت، چون ذکر اولاندا اسمون

قالدی قورو ییر اوسته، اوچ گون یارالی جسمون

آت چاپدی نعشون اوسته، مولا او چولده خصمون

اول چولده ایستی قوملار، زخمیوه مرهم اولدی

فریاد اولا او وقتن ای سرور مدینه

قتلگهی گزیردی، نازلی قیزین سکینه

تاپدی یارلی نعشون، اول ماه بی‌قرینه

ووردو ز بس که باشه، احوالی بر هم اولدی

چکدی نه درد غملر، کرب بلاده زینب

تاب ایتدی هر بلایه، راه وفاده زینب

گوردو سر حسینی، نوکی جداده، زینب

غمدن آغاردی زلفی، رعنا قدی خم اولدی