ای حرمی باصفا یا علی موسی الرّضا

قبریوه جانلار فدا یا علی موسی الرّضا


ای حرمی باصفا یا علی موسی الرّضا

قبریوه جانلار فدا یا علی موسی الرّضا

السّلام علیک یا غریب الغربا

السّلام علیک یا معین الضّعفا

ای سالان آوازه ی شهرتی آفاقه شور

بارگهوندن ایدر نور الهی ظهور

غبطه ایدر قبریوه سینه ی سینای طور

ای حرم اقدسی جلوه گه کبریا

ای صدف عشقیده دُرّ یتیم و ثمین

نور دل مرتضی جان رسول امین

مرقد پاکی اولان کعبه ی اهل یقین

باخ نظر لطفیله بیزلره ای مقتدا

ای شه گردون حشم عالمه کهف امان

مرقد پاکون اولوب ملجاء بیچارگان

درده دوشنلر گلر قبریوه ناله کنان

عجزیله سورتر یوزین قبریوه ایستر شِفا

ای شه مُلک وفا تاج سر بوالبشر

سنله سناباد اولوب عالم آرا مشتهر

لطف و کرامتله گل ایله بو جمعه نظر

ایلمه نومید ای منبع جود و سخا

محنت هجرانیدن گلمیشیدیم جانه من

عجزیله عزم ایلدیم ارض خراسانه من

قبریوی ایتمم عوض روضه ی رضوانه من

من هارا قبرون هارا قبریوه قربان آقا

حیف اولا خصم زبون بولمدی قدرون آقا

ایلمدی دهریده خالق حقدن حیا

ظلمیده طغیان ایدوب ایلدی بیحد خطا

حقّیوی غصب ایلدی دشمن دین خدا

ایلدی مامون دون نیّت منفوریله

قلبینی قان عالمین نقشه ی مستوریله

دوغرادی اکبادیوی زهرلی انگوریله

تا دم محشر یانار شیعه لر ایلر نوا

«جابری» بیر رو سیه غرق گنه بنده دی

صدق دلیله ولی نادم و شرمنده دی

چشم امیدی آقا روز جزا سنده دی

قویما او گونده اونی نار جحیمه یانا