ﻭﯾﺮﺩﯼ ﺑﺎﺵ ﭼﺮﺥ ﺍﻣﺎﻣﺘﺪﻥ ﺑﻮ ﮔﻮﻥ ﺷﻤﺲُ ﺍﻟﺸّﻤﻮﺱ
ﻗﯿﻠﺪﯼ ﺁﻓﺎﻗﯽ ﻣﻨﻮّﺭ ﻃﻠﻌﺖ ﺳﻠﻄﺎﻥ ﻃﻮﺱ


ﻭﯾﺮﺩﯼ ﺑﺎﺵ ﭼﺮﺥ ﺍﻣﺎﻣﺘﺪﻥ ﺑﻮ ﮔﻮﻥ ﺷﻤﺲُ ﺍﻟﺸّﻤﻮﺱ
ﻗﯿﻠﺪﯼ ﺁﻓﺎﻗﯽ ﻣﻨﻮّﺭ ﻃﻠﻌﺖ ﺳﻠﻄﺎﻥ ﻃﻮﺱ
ﺍﻭﻥ ﺍﯾﮑﯽ ﺗﻌﯿﯿﻦ ﺍﻭﻟﻮﺏ ﻗﺮﺁﻧﺪﺍ ﺗﻌﺪﺍﺩ ﺷﻬﻮﺭ
ﺩﻭﺭﺩﯾﻨﯽ ﺷﻬﺮ ﺍﻟﺤﺮﺍﻡ ﺍﯾﻠﻮﺏ ﺧﺪﺍﻭﻧﺪ ﻏﻔﻮﺭ
ﯾﻌﻨﯽ ﺣﺠّﺖ ﺍﻭﻥ ﺍﯾﮑﯽ، ﺩﻭﺭﺩﯼ ﻋﻠﯽ، ﻣﺸﮑﺎﺕ ﻧﻮﺭ
ﺑﻮ ﺍﻭﭼﻮﻣﺠﯽ ﺑﯿﺮ ﻋﻠﯽ ﺩﯾﻨﻪ ﺗﻮﻟّﺎﺳﯽ ﺭﺋﻮﺱ
ﻗﺪﺣﯿﺪﻭﺭ ﻣﺪﺣﯿﻨﺪﻩ ﻋﺮﺽ ﺍﯾﺘﺴﻢ ﺟﻤﺎﻟﯽ ﻣﺎﻫﯿﺪﻭﺭ
ﮔﻮﻥ ﺑﻮ ﺧﻮﺭﺷﯿﺪﯾﻦ ﻫﻮﺍﺳﯿﻨﺪﻩ ﻏﺒﺎﺭ ﺭﺍﻫﯿﺪﻭﺭ
ﺳﺮّﯼ ﺳﺮُّ ﺍ...ﺩﻭﺭ، ﻭﺟﻬﯽ ﺟﻤﺎﻝَُ ﺍ...ﺩﻭﺭ
ﭘﺮﺩﻩ ﯼ ﺻﺒﺢ ﺍﺯﻟﺪﻩ ﻧﻮﺭ ﺁﻟﻮﺏ ﺑﻮﻧﺪﺍﻥ ﻋﮑﻮﺱ
ﯾﻮﺥ ﺻﻔﺎﺕ ﻭ ﺫﺍﺕ ﺣﻘّﻪ ﻓﺎﺭﻕ ﻭ ﻓﺎﺻﻞ ﻧﮑﺎﺕ
ﺫﺍﺗﯽ ﻧﻮﺭ ﭘﺎﮎ ﺣﻖ، ﺁﺋﯿﻨﻪ ﯼ ﺍﻭﺻﺎﻑ ﻭ ﺫﺍﺕ
ﺑﺤﺮ ﻗﺪﺭﺕ، ﻟﻨﮕﺮ ﺧﻠﻘﺘﺪﯼ، ﮐﺸﺘﯽ ﻧﺠﺎﺕ
ﻧﺎﺧﺪﺍﯼ ﻓُﻠﮏ ﺩﯾﻦ ﻫﻨﮕﺎﻡ ﻃﻮﻓﺎﻥ ﺷﺌﻮﺱ
ﺧﺴﻒ ﺍﯾﺪﺭ ﯾﺮ ﺍﻫﻠﯿﻨﯽ ﺍﻧﺴﺎﻥ ﮐﺎﻣﻞ ﺍﻭﻟﻤﺎﺳﺎ
ﮔﻮﮒ ﺩﺍﯾﺎﻧﻤﺎﺯ ﺑﯽ ﺳﺘﻮﻥ، ﻣﻌﺼﻮﻡ ﺣﺎﯾﻞ ﺍﻭﻟﻤﺎﺳﺎ
ﺩﺭﮎ ﺍﯾﺪﺭ ﺑﻮ ﻣﻄﻠﺒﯽ ﻫﺮ ﮐﯿﻤﺴﻪ ﺟﺎﻫﻞ ﺍﻭﻟﻤﺎﺳﺎ
ﻋﺎﻟﻤﻪ ﺳﺎﺋِﺴﺪﯼ ﺣﺠّﺖ، ﺣﺠّﺘﻪ ﻋﺎﻟﻢ ﻣَﺴﻮﺱ
ﻗﻠﺒﻪ ﯼ ﻫﻔﺘﻢ، ﺍﻣﺎﻡ ﻫﺸﺘﻢِ ﺍﻫﻞ ﯾﻘﯿﻦ
ﮐﻠﻤﻪ ﯼ ﺗﻮﺣﯿﺪﻩ ﺳﮕّﯿﺰﻣﯿﻨﺠﯽ ﺷﺮﻁ ﻭ ﺍﺻﻞ ﺩﯾﻦ
ﮐﻢ ﺗﺮﯾﻦ ﺟﺎﺭﻭﺏ ﮐﺶ ﺩﺭﺑﺎﺭﯾﻨﻪ ﺭﻭﺡ ﺍﻻ‌ﻣﯿﻦ
ﺁﺳﺘﺎﻧﯿﻦ ﺍﻭﭘﻤﺎﻗﺎ ﺣﺴﺮﺗﺪﻩ ﭼﺮﺥ ﺁﺑﻨﻮﺱ
ﺗﺎ ﺣﺠﺎﺑﺎﺕ ﺣﺮﯾﻤﯽ ﺭﻓﻊ ﺍ... ﺍﯾﻠﺪﯼ
ﺭﺷﮏ ﻃﻮﺭ ﺁﻓﺎﻗﯽ ﺍﻭﺯ ﻧﻮﺭﯾﻠﻪ ﻧﺎﮔﺎﻩ ﺍﯾﻠﺪﯼ
ﻟَﻦ ﺗﺮﺍﻧﯽ ﺳﺮّﯾﻨﻪ ﻣﻮﺳﺎﻧﯽ ﺁﮔﺎﻩ ﺍﯾﻠﺪﯼ
ﺍﻭﻟﺪﯼ ﺑﻮ ﻃﻮﺭﻩ ﮐﻠﯿﻢ ﻋﺸﻖِ ‌ﺍﺭﻭﺍﺡ ﻭ ﻧﻔﻮﺱ
ﻗﻄﺐ ﺍﻣﮑﺎﻥ، ﺭﻭﺡ ﺍﯾﻤﺎﻧﺪﻭﺭ، ﻭﻟﯽّ ﺫﻭﺍﻟﺠﻼ‌ﻝ
ﺩﻓﺘﺮ ﺍﯾﺠﺎﺩﯾﺪﻩ ﺩﯾﺒﺎﭼﻪ ﯼ ﻓﻀﻞ ﻭ ﮐﻤﺎﻝ
ﻧﯿّﺮ ﺷﺎﻥ ﻋﻈﯿﻤﯽ ﮔﻮﺭﻣﯿﻮﺏ ﮔﻮﺭﻣﺰ ﺯﻭﺍﻝ
ﮔﺮﭼﻪ ﺧﻮﺭﺷﯿﺪﯼ ﺯﻭﺍﻟﻪ ﺳﻮﻕ ﺍﯾﺪﺭ ﻟﯿﻞ ﻋﺒﻮﺱ
ﻧﻘﻞ ﺍﯾﺪﻭﺏ ﻧﺺّ ﭘﯿﻤﺒﺮﺩﻥ ﺍﺋﻤّﻪ ﺑﯿﺮ ﺑﯿﺮﻩ
ﺍﯾﺴﺘﯿﺴﻦ ﺍ... ﻟﻘﺎﺳﯿﻦ ﺿﺎﺣﮑﻪ ﻣﺴﺘﺒﺸﺮﻩ
ﺑﻮ ﺷﻬﯿﻦ ﺍﻭﻟﺴﻮﻥ ﺗﻮﻟّﺎ ﻧﻘﻄﻪ ﺳﯿﻨﺪﻩ ﺩﺍﯾﺮﻩ
ﺍﻭﻟﻤﯿﺎﻥ ﺑﻮ ﻧﻘﻄﯿﻪ ﭘﺮﮔﺎﺭ ﺍﯾﺪﺭ ﺁﻩ ﻭ ﻓﺴﻮﺱ
ﺣﯿﻒ ﺍﻭﻻ‌ ﺑﻮ ﺷﺎﻧﯿﻠﻪ ﻏﺮﺑﺘﺪﻩ ﭼﮑﺪﯼ ﭼﻮﺥ ﺑﻼ‌
ﺍﯾﻠﺪﯼ ﻣﺎﻣﻮﻥ ﻧﻪ ﺟﺪّﯾﻨﺪﻥ ﻧﻪ ﺯﻫﺮﺍﺩﻥ ﺣﯿﺎ
ﻭﯾﺮﺩﯼ ﺷﺎﻩ ﺍﻭﻟﯿﺎﯾﻪ ﻇﻠﻤﯿﻠﻪ ﺯﻫﺮ ﺟﻔﺎ
ﺍﯾﻠﺴﻮﻥ ﻏﺼﺐ ﺍﯾﺘﺪﯾﻘﯽ ﻣﺴﻨﺪﺩﻩ ﺗﺎ ﺭﺍﺣﺖ ﺟﻠﻮﺱ
ﺑُﻠﻤﺪﯼ ﺍﯾﭽﺴﻪ ﺷﻬﺎﺩﺕ ﺟﺎﻣﯽ ﺷﺎﻩ ﺩﯾﻦ ﺭﺿﺎ
ﮔﯿﺴﺘﻪ ﺩﻧﯿﺎﺩﻥ ﺷﻬﻨﺸﺎﻩ ﺳﺮﯾﺮ ﺍﺭﺗﻀﯽ
ﻗﻮﯾﻤﺎﺯ ﺁﺳﻮﺩﻩ ﺍﻣﺎﻣﯿﻦ ﻗﺎﺗﻠﯿﻦ ﺍﻣﺮ ﻗﻀﺎ
ﮔﻮﻥ ﺑﻪ ﮔﻮﻥ ﻣﺤﺼﻮﺭ ﺍﯾﻠﺮ ﮐﻮﮐﺐ ﺑﺨﺘﯿﻦ ﻧﺤﻮﺱ
ﺗﺎ ﺳُﺮﻭﺭ ﺳﯿﻨﻪ ﯼ ﺯﻫﺮﺍﻧﯽ ﻣﺴﻤﻮﻡ ﺍﯾﻠﺪﯼ
ﮐﻮﻥ ﻭ ﺍﻣﮑﺎﻧﯽ ﺑﺎﺗﻮﺭﺩﯼ ﯾﺎﺳﻪ ﻣﻐﻤﻮﻡ ﺍﯾﻠﺪﯼ
ﮐﺮﺑﻼ‌ ﻣﻈﻠﻮﻣﯽ ﺗﮏ ﺑﻮ ﺷﺎﻫﯽ ﻣﻈﻠﻮﻡ ﺍﯾﻠﺪﯼ
ﯾﺮ ﻗﺮﺍ ﮔﯿﯿﺪﯼ ﺑﻮ ﻏﻤﺪﻥ، ﮔﻮﮒ ﻟﺒﺎﺱ ﺳﻨﺪ ﺭﻭﺱ
ﺍﯾﺘﺪﯾﻘﯽ ﻧﻨﮕﯿﻦ ﻋﻤﻠﺪﻥ ﻧﺎﺩﻡ ﺍﻭﻟﺪﯼ ﺍﻭﻝ ﺩَﻧﯽ
ﮔَﻠﺪﯼ ﮔﻮﺭﺩﯼ ﺟﺎﻥ ﻭﯾﺮﻭﺭ ﺭﺣﻢ ﻭ ﻣﺮﻭّﺕ ﻣﻌﺪﻧﯽ
ﺑﺎﺷﯿﻦ ﺁﻟﺪﯼ ﺩﺍﻣﻨﻪ ﻋﺮﺽ ﺍﯾﺘﺪﯼ ﯾﺎ ﻣﻮﻻ‌ ﻣﻨﯽ
ﻗﺘﻠﻪ ﺍﯾﻠﻮﺭ ﻣﺘّﻬﻢ ﺍﺳﻼ‌ﻡ ﻭ ﺗﺮﺳﺎ ﻭ ﻣﺠﻮﺱ
ﺑُﻠﻤﻮﺭﻡ ﻣﻦ ﺍﻭﺯ ﻋﻢ ﺍﻭﻏﻠﻮﻡ ﺣﺎﻟﯿﻨﻪ ﻗﺎﻥ ﺁﻏﻠﯿﻮﻡ؟
ﯾﺎ ﺑﻮ ﺧﻠﻘﯿﻦ ﺗﻬﻤﺘﯿﻨﺪﻥ ﺍﯾﻠﻮﻡ ﺍﻓﻐﺎﻥ ﺁﻏﻠﯿﻮﻡ
ﯾﺎ ﻓﺮﺍﻗﻮﻧﺪﺍﻥ ﺳﻨﻮﻥ ﻋﻤﺮﯾﻤﺠﻪ ﻫﺮ ﺁﻥ ﺁﻏﻠﯿﻮﻡ
ﺳﻨﺴﯿﺰ ﺍﻭﻟﺪﯼ ﮔﻮﻥ ﮔﻮﺯﯾﻤﺪﻩ ﺗﺎﺭ ﯾﺎ ﺷﻤﺲُ ﺍﻟﺸّﻤﻮﺱ
ﺁﻩ ﯾﺎﺑﺎﻟﻌﺴﮑﺮﯼ، ﺍﯼ ﺷﻬﺮﯾﺎﺭ ﻣﺎﺳﻮﺍ
ﮔﺮﭼﻪ ﻗﺎﺗﻠﺪﻭﺭ ﮔﻨﻪ ﻣﺎﻣﻮﻧﺪﺍ ﻭﺍﺭ ﺷﺮﻡ ﻭ ﺣﯿﺎ
ﮐﺮﺑﻼ‌ﺩﻩ ﺍﯾﺘﻤﺪﯼ ﺍﻣّﺎ ﺣﯿﺎ ﺷﻤﺮ ﺩﻏﺎ
ﺟﺪّﯾﻮﯼ ﺍُﻟﺪﻭﺭﺩﯼ ﭼﺎﻟﺪﻭﺭﺩﯼ ﻣﺒﺎﻫﺎﺗﯿﻠﻪ ﮐﻮﺱ
ﺗﮏ ﻧﻪ ﺟﺎﻥ ﯾﺎﺭﻩ ﺷﻬﯿﺪ ﻋﺸﻖ ﺗﻘﺪﯾﻢ ﺍﯾﻠﺪﯼ
ﺍﻫﻞ ﺑﯿﺘﯿﻨﺪﻩ ﺑﻮ ﯾﻮﻟﺪﺍ ﻇﻠﻤﻪ ﺗﺴﻠﯿﻢ ﺍﯾﻠﺪﯼ
ﺑﯿﺮ ﻭﻓﺎ ﺩﺭﺳﯽ ﻫﺎﻣﯽ ﻋﺸّﺎﻗﻪ ﺗﻌﻠﯿﻢ ﺍﯾﻠﺪﯼ
ﺻﻔﺤﻪ ﯼ ﻋﺎﻟﻤﺪﻩ ﮐُﻬﻨﻠﺪﯼ ﺗﻌﺎﻟﯿﻢ ﻭ ﺩﺭﻭﺱ
ﻣﻦ ﮐﻪ ﻣﺸﻬﻮﺭ ﺍﻭﻟﻤﻮﺷﺎﻡ ﻋﺎﻟﻤﺪﻩ ﺳﻌﺪﯼّ ﺯﻣﺎﻥ
ﮐﺎﺵ ﻣﺸﻬﻮﺭ ﺍﻭﻟﻤﯿِﯿﺪﯾﻢ ﺍﯼ ﺷﻪ ﻋﺮﺵ ﺁﺳﺘﺎﻥ
ﻓﻀﻞ ﺑﺎﺯﺍﺭﯾﻨﺪﻩ ﯾﻮﺧﺪﻭﺭ ﻣﺸﺘﺮﯾﺪﻥ ﺑﯿﺮ ﻧﺸﺎﻥ
ﮔﻨﺞ ﻋﻠﻤﯿﻦ ﺍﺭﺯﺷﯽ ﯾﻮﺧﺪﻭﺭ ﺑﻮ ﺩﻭﺭﻩ ﺑﯿﺮ ﻓﻠﻮﺱ
ﺭﻫﺮﻭ ﻋﺸﻘﻢ ﺍﻭﺯ ﻋﺸﻘﯿﻢ ﮔﻮﺳﺘﺮﻥ ﺁﺋﯿﻨﯿﻠﻪ
ﺩﻟﺨﻮﺷﺎﻡ ﻓﺮﻫﺎﺩ ﺗﮏ ﺑﯿﺮ ﺻﺤﺒﺖ ﺷﯿﺮﯾﻨﯿﻠﻪ
ﺍﯾﺘﻤﺮﻡ ﺷﺎﻫﺎ ﻋﻮﺵ ﻣﯿﻦ ﺑﻮﺱ ﺣﻮﺭ ﺍﻟﻌﯿﻨﯿﻠﻪ
ﺁﺳﺘﺎﻧﻮﻥ ﺗﻮﭘﺮﺍﻗﯿﻦ ﺍﯾﺘﻤﺎﻗﻠﯿﻘﯿﻦ ﺑﯿﺮ ﺩﻓﻌﻪ ﺑﻮﺱ