ای اصول اصل اسلامه اصالت یاعلی

سن شهید اولدون شهید اولدی عدالت یاعلی


ای اصول اصل اسلامه اصالت یاعلی

سن شهید اولدون شهید اولدی عدالت یاعلی

 

دامن تاریخه دوشدی لکه ننگین ننگ

چولقادی دنیا بویون گردو  غبار ننگ و رنگ

دوتدی قلب نسل انسانی آریتماز قاره زنگ

سودی فاونس محبتله سعادت یاعلی

 

گون باتوب طوفان قوپوب دنیایه چوکدی اظطراب

آی قالوب باشسیز قاچوبدی رنگ و روی ماهتاب

اگلشوب ذرات جسم کائناته التهاب

باشلانوب دنیایه معناده قیامت یا علی

 

سن علی اولدون سنیله رونق و وجدان اولوب

رونق و وجدان و روح هیکل قران اولوب

روح قران مجید و آیت ایمان اولوب

قالمیوب انسان و انسانلیقدان آیت یا علی

 

اصل انسانیتی انسان اولانلار داندیلار

اوزلری اوز یاندران یانقین الودان یاندیلار

جلوه طاووس مادیاتیله تولاندیلار

قالمادی دنیاده بیر ذره صداقت یا علی

 

چوخ اوجوزلی قیمته دینین متاعیت ساتدیلار

آل بو سفیان علی­سیز آرزویه چاتدیلار

کوفخ شهرینده او گونلر چوخلاری آج یاتدیلار

آج یاتان ملت ده قالماز استقامت یاعلی

 

سرونشت مسلمینه حاکم اولدی اجنبی

چوندروب دلخواهینه آخر ده دین و مذهبی

قویدی قارداشسیز اولار کرب و بلاده زینبی

قالماسین اسلامیدن شاید علامت یا علی

 

سن علی اولدون داخی بیر دادگستر قالمادی

دادگستر دادگر بیرداد­پرور قالمادی

مسلمینه بیر نفر ارزشلی رهبر قالمادی

یوخ مسلمانلار آرا میر هدایت یا علی