ای کوفه یتوب عمروم پایانه خداحافظ

جان ویردی علی سنده جانانه خداحافظ


ای کوفه یتوب عمروم پایانه خداحافظ

جان ویردی علی سنده جانانه خداحافظ

بش ائیل سنه ای کوفه ٫ اولدوم نگران مهمان

بو بش ائیلی قان اوتدوم ٫ اولدون منیچون زندان

با اینکه خلیفه یدیم ٫ آغلاردی گوزوم هر آن

هر لحظه آخوب اشگیم ٫ دامانه خداحافظ

ای کوفه قبول ایله ٫ بو خواهشی گل مندن

زینب قیزیمین بیر گون ٫ دوشسه گذری سندن

اینجیتمه اونی من تک ٫ تار ائتمه گونون غمدن

سالما اونی قول باغلی ٫ زندانه خداحافظ

ای کوفه نین ایتامی ٫ بی یار و آدامسیزلار

ای یوللارا حسرتله ٫ گوز یاشلی باخان قیزلار

ای یاری گئجه منله ٫ صحبت ایدن اولدوزلار

هم صحبتوزی باتدی ٫ القانه خداحافظ

ای کوفه نین اتیامی ٫ من اشک فشان گیتدیم

قلبیم دولی دردیله ٫ گوزلر دولی قان گیتدیم

گوز یاشوزه آند اولسون ٫ سیزدن نگران گیتدیم

من سیز آخاجاق اشگوز ٫ دامانه خداحافظ

محراب عبادتده ٫ آخدی باشیمین قانی

بیر درده دچار اولدوم ٫ اولماز اولا درمانی

اولسون قسم اللهه ٫ دینجلدی علی جانی

چاتدی اورگیم دردی ٫ درمانه خداحافظ

ای مسجد بی عالِِم ٫ ای صاحبی یوخ منبر

صد حیف اولا قطع اولدی ٫ سنده دئیلن سوزلر

بیرده منی گورمزسن ٫ قانه بویانوب حیدر

باتدی سسیم آند اولسون ٫ قرآنه خداحافظ

ای ثابت و سیاره ٫ ای مهر و مه تابان

ای اشکیم آخان چوللر ٫ ای غصه لی نخلستان

ای محرم اسراریم ٫ ای چاه جگر سوزان

یاندوز منیله نارِ٫ سوزانه خداحافظ

آتمیش اوچ ائیل عمر ائتدیم ٫ ای چرخ ملال افزا

نه عمر ٫ غم و محنت ؛ هر لحظه سی مین ایذا

آتمیش اوچ ائیل عمرومده ٫ شاد اولمادیم ای دنیا

چاتدی غمیله عمروم ٫ پایانه خداحافظ

من تک هانی بیر رهبر ٫ اولسون نمک افطاری

من تک هانی بیر سلطان ٫ گل تک سولا رخساری

من تک هانی بیر مظلوم ٫ حقی گیده تکراری

ظلم اولدی بله هانسی ٫ سلطانه خداحافظ

من تک هانی بیر سلطان ٫ مظلوملرون یاری

من تک بیر رهبر ٫ ایتام پرستاری

بیر کیم سیه اولمادی ٫ بو رهبرون آزاری

آلدیم ولی من آزار ٫ بو جانه خداحافظ