ای آخان مسجده قانی  -  وای بابام ای وای بابام

یاندیریبسان مصطفانی –  وای بابام ای وای بابام


ای آخان مسجده قانی  -  وای بابام ای وای بابام

یاندیریبسان مصطفانی –  وای بابام ای وای بابام

خالـق عالـم وئـروبـدی رتبـه شایان سنه

ماتمینده یاس توتوبدی جنت و رضوان سنه

ای نماز اوسته وئرن جان زینبون قربان سنه

             آتما سن بو باغریقانی – وای بابام ای وای بابام

بیر دویونجا آغلیام من اولمادی هش فرصتیم

گتدی ای سلطان خوبان سن سیز آخر عزتیم

اولـدی زینبیله حسین تک کوفه ایتامی یتیم

            قویدون آغلار مجتبانی  - وای بابام ای وای بابام

ای غریبـانه وئـرن جان عالمیـن سلطانی سن

خوش سنون اقبالیوه چون فاطمه مهمانی سن

قـوت قلب  رسـول الله و  زهـرا جـانـی سن

        قاره پوش اتموش جنانی – وای بابام ای وای بابام

گورسه باشونده یارانی عالمی داغلار ننم

یاس توتار جنتده زهرا حالیوه آغلار ننم

یاروه مرحم قویار هم باشیوی  باغلار ننم

           یاندیرار عرض و سمانی -  وای بابام ای وای بابام

وار یری بو قلب زاریم هی یانا هی دوگونه

بختی قاره  زینبه باخ قالدی نه قاره گونه

یانارام بختیمه الله نجـه دوشدی دوگونه

       چرخی سینسون بو زمانی – وای بابام ای وای بابام

قـاره بختیم ظلـم الیله گورنجه  اولدی قارا

وار یـری تیـر مصیبت بو یـانـان قلبی یارا

سجده دن باش قوزویاندا باشیوه دیـدی یارا

            باغلیانمـادیم  یـارانی -  وای بابام ای وای بابام