ای شــه  وارستـه  و والا علی

ای مَلکـوت  اهلینـه مـولا علی


ای شــه  وارستـه  و والا علی

ای مَلکـوت  اهلینـه مـولا علی

راهبَــر عـرش مُعـلا علی

نـابغـة   محشــر    کبـرا  علی

شافـعِ  بـر جستـة  عُقبـا علی

یـاور و هَــمسنگـر طـاها علی

همسـر  شـایستـۀ  زهـرا علی

هَم گوج آلار ، هم اوجـالار با علی   

کیـم دئسـه مـردانه مَـدد    یاعلی

آدلار  ایچینـده آدی زیبنده دی

دُر و گـوهـردن  آدی اَرزنده دی

هر کیـم علی حقینی انکار ائـده

آنـدولا زهـرایه  کـی بازنده دی

درگــهِ بـا عـزتینـه سانما  من

خلق اولونانلار هامیسی بنده دی

غمنن ائدر روحینی منها علی    

کیـم دئسـه مـردانه مَـدد  یاعلی

نـام علی دور بیـزه صـوت  جَـلی

شیعیـه هـر یئـرده  علیـدور ولی

عرشیـده گـر ساتع  اولور نور حق

نـور علیـدور کی  اولـوب  منجلی

هر نه دیور قوی دییه دشمن ،  ولی

شیعـه لرین عشقی علیـدور علی

نامـه سینی ایلییـر امضا علی  

کیـم دئسـه مـردانه مَـدد یاعلی

چشمـۀ  زمزمنـن  آدی پاکی دور

عشقینـه عالم اورگی چـاکی دور

عاشق  اولوبدور آدینا  یِئرله  گوی

چونکی شهِ  بـر حَـقِ  افلاکی دور

مین ائیله  بالغدی کی  اُستوره دی

چونکی آقـام مَفخـر  لُولاکی  دور

دردین ائدر حتمی مداوا علی    

کیـم دئسـه مـردانه مَـدد    یاعلی

آنــدولا  اللــه  علــی   حقیدی

کیـم اونی حق بولمسه ؛ ناحقیدی

هرکیم علینون اولا دوز شیعه سی

بـاغ  جنـانـدا  اونـدا   مُلحقیدی

نـام  علی  پاک و  مُطهردی ، چون

اللــه آدینــان  آدی  مُشتقیدی

قسمت ائدر جنت العلا علی   

کیـم دئسـه مـردانه مَـدد    یاعلی

مُنکـرِ  حیـدر  بیـزه  بیگانه دی

مُنکری  چون  تـابعِ  شیطانه دی

لیلیَ  مجنـون اَلـکی دل  وئروب

چونکی علی عشقینه  دیوانه دی

شمعِ رُخِ  حیـدره  عالم کی یوخ

شَمعینه  زهـرا  ئُوزی  پروانه دی

ذره ده اولسا یئتیشر تا علی  

کیـم دئسـه مـردانه مَـدد    یاعلی

عاشـق  حیـدردی    سَمـا  و  زمین

عالمـه  مِثلی  گلـه   بـولمـز  یقین

شأنینـه  حیـرتـده  قـالوبدور  هَله

سهلیدی یئر گوی خوده روح الامین

وار یئـری حیـدردن  اولا   بیـر بالا

آدی  ابـوالفضـل   یـلِ  اُم  البنیـن

چـاره  ائـدر  دردینـه تنها علی  

کیـم دئسـه مـردانه مَـدد یاعلی

فکر اِلمـه تَکـدی غـریبدور علی

سُفـرۀ دل حَقـه  سَریبـدور علی

عشقیلـه اوز  دلبـر  محبـوبینـه

دسته لیـوب  لاله دَریبـدور علی

کربوبـلا صحنـه سینـه  ایندیدَن

حیـدرِ  ثـانی   بِجَـریبـدور علی

خلقـه اِئـدر حقین هُـویدا علی 

کیـم دئسـه مـردانه مَـدد  یاعلی

 ای  یَـل  حیـدر  مَنِـش ِ هـاشمـی

یاخـدیم اوغول بو  قولا گوزیاشیمی

حیـدری اُول حیـدره سـاخلا طرف

سینـوه وئـر صبـح و مَسا داشیمی

کـربـوبـلاده  بـولـورم عشقیلـه

حتمی اوجالدارسان  اوغول باشیمی

گویللـره پـرواز اِلییـر با علی

کیـم دئسـه مـردانه مَـدد یاعلی

نُکتـۀ بـاریکیـدی سـوز خیـردالا

بیر سـوزی حیـدر دئدی عباس آلا

قارداشیوا کیم  چکه شمشیـر اگـر

اللهـا مُنـکـردی  یقینـاً  بـالا

دینـه هـدایت  اِلـه گـر ، گلمسـه

خنجـریلـه   سینـه سینی  پارچالا

روحین ائـدر حَتمی مَصَفـا علی 

کیـم دئسـه مـردانه مَـدد یاعلی

تـا دئـدی عبـاسـه  علی بـو  سوزی

اوت وئـروب عبـاسه ؛یـانوبدور ئوزی

کـربـوبـلادن  سـوز آچـوبدورعلی

شامه دونوب سانکی ایشیق گوندوزی

بیـر به بیـر او غمللـری سایدی علی

دولـدی ابوالفضلیـن او شهـلا  گوزی

آغلادی بو مجنته حتی علی

کیـم دئسـه مـردانه مَـدد یاعلی