گوردی قدسیان جان ویرور حسین، گیزل‌نیر نفس تازه قان گلیر

العطش دیور شاه مشرقین اوخ ویران گیدور داش ویران گلور


گوردی قدسیان جان ویرور حسین، گیزل‌نیر نفس تازه قان گلیر

العطش دیور شاه مشرقین اوخ ویران گیدور داش ویران گلور

دسته دسته نیزه وران گئدیر، ائیله‌ییب هجوم اوخ آتان گلیر

 

بیر نفر دیمور بو کومکسیزی بیر بئله جماعـ‌ت نــد‌ن ویرور

نه گناهی وار بو اوغولسوزون ، اشقییای  دور و زمن ویرور

قربتا" الـی‌الله خیالـی وار، هر گلــ‌ن ویرور هـر گئــدن ویرور

العطش دیور شاه مشرقیین، اوخ ویران گئدیر، داش وران گلیر

 

بیـر سپهــریـدی قانلی پیکــر‌ی، وار یـارالاریلـه کـواکبــی

بیر یارالی قیرخ مین نفر قوشون، گر بو  مطلبین وار تناسبی

ویرمــاق اوستــه وحشی عر‌بلرین، بیربیرینـه واردور تعاقبی

ویرموری امـان قوم کوفییان، حرم‌له گئد‌نده سنان گلیر

 

شام وکوفه‌نین قان توکنلری  دور و برده چون حلقه‌ی  نگین

بیر یارالینین  دوره‌سین آلیب، دیلده  اوقتلو، الده تیغ کین

بو  هجومه وسعت ویریر مگر، قطعه قطعه بیر جسم  ناز‌نین

علتی بودور منتظر دوروب، شامییان گئد‌یر، کوفییان گلیر

 

جدّی خاتم‌الانبیا ائد‌ر، باشی اوسته قرآن تلاو‌تی

نه فلک ده افلاکییان گورور، کربلاده برپا قیامتی

رسمدیر کی اوغلی اولنلره، هر گلن وئریر باش سلامتی

وئرمگه تسلّی پیمبره، خلدییان گئدیر، قدسییان گلیر

 

فاطمه آچیب باشینی گلیر، اوغلونون سیله قانلی گوز یاشین

قتلگهده امّا دورانموری، چون گورور کسیر شمر اوغول باشین

خیمدنده  زلفین یوزه سالیب، گورمه‌گه گلیر باجی قارداشین

قتلگهده وار چوخ گلیب گئد‌ن، زلف آچان گئدیر، باش آچان گلیر

 

فاطمه قیزی زینبین آلیب، دوره‌سین بلا مثل  دایره

وامحمدا دیلده گه قاچار، قارداشی حسین جان ویر‌ن یره

گه گلیر خیام امامته ، خیردا قیزلارا  تسلیت وئره

گئتم‌گی حزین، گلمگی غمین، باغری قان گئدیر، خونفشان گلیر

 

خیمه لر‌د‌ن علیا مکرمه، قتلگاهه بیر باش اولور روان

باشدا اللـری، یوزده زوفلری، روحی مضطرب، جسمی ناتوان

قارداشا حمایت  اید‌نمیری، امر ایدیر قییت شاه  انس و جان

سرزنان قویور خیمه‌گاهه یوز، ناتوان گئدیر، سرز‌نان گلیر

 

مختلف خیالیله چوخلارێ ، ائیلیری تر‌دد او مقتله

قبض روحه عزرائیل آختاریر، سالیم عضوینی سالماغا اله

زینبی گلیر جانفشانلیقا ، کسمه‌گه باشین شمر و حرمله

عرصه  قیامتدی قتلگه، جانفشان گئدیر، جانستان گلیر

 

 وار حسین عزاخانه‌سینده چوخ، شوکت و جلال، عز‌ت و شر‌ف

ظلمدیر حسینی اوز عمرینی، اوزگه یئرده هر کس ائده تلف

باطنن ملکل‌ر  نزول ائد‌ر، کسب فیضه بو بزمه صف ‌به صف

ظاهر‌ن گوره‌ر بوردا  اگلشن ، روضه‌خوان گئدیر، نوحه‌خوان گلیر