سس سالوب کون ومکانه پیک خلّاق جلی

کوفده ضربت لنوب باشدان نماز اوسته علی


سس سالوب کون ومکانه پیک خلّاق جلی

کوفده ضربت لنوب باشدان نماز اوسته علی

جبرئیلین صوتی سالموش عرش و فرش ایچره طنین

دین ائوی ویران او لوب، قُتِل الامیرالمؤمنین

غش ائدوب صوتی ائشیدجاق، آغلیوب امّ‌البنین

قانینه غلطان او لوب، محرابیده میر حنین

مجتبی آواره قالدی، داغدار او لدی حسین

کوفه شهرینده قلجلاندی علی‌المرتضی

یثرب ایچره قبریده ناراحت او لدی مصطفی

کعبه فریاد ائیلدی یاسه باتوب مروه صفا

حالینه عرش اوسته صف چکمیش ملک‌لر آغلادی

جنّته قاره چکیبلر حوض کوثر آغلادی

نطقد‌ن دوشدی خدایا، ناطق قرآنیمیز

قانینه غرق او لدی آخر، مظهرایمانیمیز

ئؤلدی بیر نامرد الینده، گؤر شه مردانیمیز

صف پو زان خیبر یخان مولانی بیر فرد ئؤلدوروب

راد مردی بیر نفر ملعون ونامرد ئؤلدوروب

بولمور‌م بونه تشـابُه دور وئرور تاریخ نشان

ملجمین او غلی قلجلان، حرمله تیرو کمان

بونماز اوسته ولی اصغر سو اوسته وئردی جان

گر دوشدوبدور ناطق قرآن بو یرده نطقد‌ن

او خلانوب او ردا علی آدلی سو اوسته حلقد‌ن

پارچالانمازدی اگر باشدان بویرده بوتُراب

شامیان قدر‌ت تاپوب بیچاره او لمازدی رباب

اینجیده بولمزدی هرگز زینبی بندو طناب

اولماسیدی گر علی مسجدده شمشیره هد‌ف

کربلاده اصغر او لمازدی یقین تیره هد‌ف

گتدیلر مولانی بوردا فرش ایچینده منزیله

آز قالاندا منزیله شیرخدا گلدی دیله

زینبیم قورخار اگر ایندی منی گؤرسه بئله

کاش او لیدین کربلا دشتینده ای میرحنین

اکبرین گتّدی عباده خیمییه یالقیز حسین

بیرعلی آدلی سالیبدور توپراقا قوم شیم

آه و واویلا دوشوب، شوروقیامتدور خییم

قتلگاهه گؤز تیکوب یول گؤزلوری اهل حر‌م

عرض ائدور تشنه رقیّه کوسمه سن مند‌ن علی

گل باجون قربان داخی سو ایستمه‌ سند‌ن علی