ابن ملجم نامسلمان یا امیرالمؤمنین

ایلدی ظلمینده طغیان یا امیرالمؤمنین


ابن ملجم نامسلمان یا امیرالمؤمنین

ایلدی ظلمینده طغیان یا امیرالمؤمنین

دولدوروبسان گوردی بودنیانی فضل و جودیلن

او لموسان مشغول صحبت، حضرت معبودیلن

بیر قلج ووردی باشندان تیغ زهر آلودیلن

او لدی منشق ماه تابان یا امیرالمؤمنین

گؤتدی «و انشقّ القَمَر» ثبتین قضا بیر دفتره

ساخلیوب گؤرستدی بیربیر عتر‌ت پیغمبره

عاقبت بو شیوه سر مشق او لدی او غلون اکبره

مشق عشق آلدی باشندان یا امیرالمؤمنین

ویردی بیر ضربت سنه گر ابن ملجم نابکار

ائتمدی جسمین داخی بیر اؤزگه یرد‌ن زخمدار

گؤر سنین فرقینله بو فرقین نه قدری فرقی وار

بیر بد‌ن مین زخم پیکان یا امیرالمؤمنین

آه او دمدن گؤردی منقذ اکبری اؤز باشینه

باخمیوب لیلایه رحم ایتموب او نون گؤز یاشینه

بیر قلچ ویردی باشندان بیچدی گئچدی قاشینه

دوتدی شهلا گؤزلرین قان یا امیرالمؤمنین

باش قلجلاندی آخوب قانی یر ئوزره سو کیمی

دؤر‌ه سین صیّاد آلوب بیر زخمدار آهو کیمی

حالت زارین پریشان گؤردولر گیسو کیمی

ائتدیلر جیسمین پریشان یا امیرالمؤمنین

او لدولار بیرد‌ن هجوم‌آور او  عطشان اوستنه

یوز قو یوب مین نامسلمان بیر مسلمان اوستنه

او خ او خ اوستن ویردیلار پیکانی پیکان اوستونه

زخمدن جسم او لدی شان شان یا امیرالمؤمنین

گؤردیلر بی‌بال و پر، دوشموش او  شهبازحرم

کرکسان کوفه و شام ائتدیلر، جرأت به هم

ویردیلارخنجر او لوب خنجر دمینده قدّی خم

سو دیوب وئردی سوسوز جان یا امیرالمؤمنین