تفکر عالمیندیدیم ، اوتورموشدوم گجه تنها

قلم گوتدوم ایدم شان علیدن شمه ای انشا


تفکر عالمیندیدیم ، اوتورموشدوم گجه تنها

قلم گوتدوم ایدم شان علیدن شمه ای انشا

دل آچدی طوطی طبعیم به عشق حضرت مولا

سروش غیبی سسلندی هامی قطره علی دریا

ندا گلدی قولاقیمه علی مولا علی مولا

علیدور صادر کامل ، زمانین ابتداسیندن

نظیری گلمیوب گلمز وفاسندن عطاسیندن

علیدور قاضی عادل قضاوتده قضاسیندن

علینون شان والاسین خبر آل هل اتی سندن

اورکدن یا علی سسلن علیدن اول مدد جویا

دلیمی بافلیوب مصحف و گرنه سخت و بی پروا

دیردیم من علی کفو خدادور ایتمورم حاشا

نهاندور آستیننده هزاران موسی و عیسی

شب معراجیده اصحابه سر لیله الاسرا

یانمدا جبرئیلیدی او پیک لایزالیله

سووشدوم آسمان دومی اول خوش مقالیله

اوچومجی آسماندا شادیدیم  شوق وصالیله

یتیشدیم آسمان چارمه گوردوم جلالیله

نچه مین اوردا مسجد وار درون مسجد الاقصی

او مسجدلرده گوردوم هر بیرینده نوریدن یوز باب

علی آدی یازلمش اوستونه ایتدیم که دق الباب

عجایب منظره گوردوم من اوردا یا اولوالالباب

هزاران طاق هر مسجده هر طاق ایچره بیر محراب

او محراب ایچره یوز منبر او منبرده علی پیدا

پیمبر قولیدور سوز یوخ ایدوبدور حجتی اتمام

یاراتدی بعضی اصحابه بو مطلب مختصر ابهام

ایدوبلر زمزمه غرق اولدی بحر فکریده اوهام

تعجبلن دیدی طاهایه اصحابی که بو آخشام

علینون بیز حضورینده واریدوخ جمع در یکجا

سکوت ایتدی رسول الله حبیب خالق منان

کانه قفل اولوبدور باب حکمت عقل اولوب حیران

باخوبدور بیربیره اصحاب طاها مات و سرگردان

تبسم ایلیوب پیغمبره عرض ایلدی سلمان

علی منلن اوتورموشدی گجه بیر گوشه ده تنها

ولایت شعله سی اود سالدی ناگه هر دل و جانه

که گویا اود دوشوبدور شمعدن صحن شبستانه

بیری آند ایچدی مولایه بیری آند ایچدی فرقانه

ابوذر سویلدی اولسون قسم آیات قرآنه

علی بیزدیدی بو آخشام نماز صبحه جک حتی

اولوبدور مدعی هر کس سوزونده ایلدی اصرار

هامی عرض ایلدی منلن واریدی حیدر کرار

صحابه ایلدی بیر بیر رسوله بو سوزی تکرار

ایشیتدی فاطمه فرمایش ایتدی بو گجه زینهار

علی ایودن کناره چخمیوب صبح کیمی اصلا

بو سوز پخش اوادی بعضیلر دوباره فکر خام ایتدی

دگوبدور بیر بیره اصحاب طاها ازدحام ایتدی

چوخی مبهوت اولوبدور چوخلاری اخذ مرام ایتدی

یتیشدی ناگهان جبریل طاهایه سلام ایتدی

دیدی ای میهمان بارگاه قدس او ادنی

گتوردوم بو پیامی من حضور رب العزتدن

قوتارسون حی اعلا جمله اصحابی حیرتدن

خدا امر ایلیور آگاه اولون سر ولایتدن

علی اوز محضریمدیدی تمام شب عنایتدن

منیله با همیدی صبح اولونجا حضرت مولا

کیمم تعریف ایدم من حیدرین شان و مقامیندن

علینون شانی روشندور خداوندین کلامیندن

قوام عرش اعلادور قعودیندن قیامیندن