کعبه یازیلدی اهل جهانه مطاف اولا

دلده همیشه حقه طرف انعطاف اولا

 


کعبه یازیلدی اهل جهانه مطاف اولا

دلده همیشه حقه طرف انعطاف اولا

امر ایلیوب ازلده خداوند ذوالجلال

کعبه علینون عشقینه دائم طواف اولا

بازار عشق حیدره کیم ایستیه گله

جان رشته سی الینده گرک کلاف اولا

خیبرده مصفا بویوروب مرتضا هانی

فوری گرکدی عازم رزم و مصاف اولا

شیر حق ایتدی مرحبی روباه تک شکار

حقین مسیری حیدری ایستور که صاف اولا

شمشیرینه ال آتسا علی شیر لم یزل

شمشیرلر گرکدی تماما غلاف اولا

عشق عالمینده ایلدیم عقله مراجعه

خوشدور دیدیم که حل بوگون اختلاف اولا

آلدیم خبر که دهریده تکرار اولا علی

فورا دیدی سواله گرک انصراف اولا

بی مثل خلق ایدوبدی علینی خدا اوزی

فکر ایلمه بو سوزده جوابیم گزاف اولا

بیرده علی یارانمیاجاق روزگاریده

مین دفعه کعبه پارچالانوب گر شکاف اولا

قویمازلا صادقی بیرینی جنته مگر

دیلده علی ولایتینه اعتراف اولا