تانفسیم وار دییرم یاعلی

جان سنه قربان ایدرم یاعلی


تانفسیم وار دییرم یاعلی

جان سنه قربان ایدرم یاعلی

عالم امکان منه گر ناز ائده

منده سنه ناز ائدرم یاعلی

چوخلاری دیوانه عشقوندولر

من ولی دیوانه ترم یاعلی

من دئمورم لایق درگاهیوم

عاشق شوریده سرم یاعلی

ویرسه لر عشقونده منه زهر اگر

شهد عوضینده ایچرم یاعلی

آدیوی گورسم یازیلوب توپراقا

مین یول او آدی ئوپرم یاعلی

شرک قرار اولماسا گر آللها

آدیوه سجده ائدرم یاعلی

چون آدون الله آدیدور-بی وضو

آدیوی ذکر ایلمرم یاعلی

قورسالا مجلس اوگوزل آدیوه

اوردا گیدوب گل سپرم یاعلی

مدح دیولسه سنه هر بزمیده

منده او بزمی بزرم یاعلی

دشمنوین دشمنی یم-دشمنی

کیم سنی سئوسه سئورم یاعلی

یوخ بیلوسن عمرلره اعتبار

بیرگونی منده ئولرم یاعلی

قبره قویوب هامی گیدندن صورا

اوندا سنی گوزلیرم یاعلی

هرنه سوال ایله سلر قبریده

آیری سوزوم یوخ دیرم یاعلی

قبریمین اول گئجه سی گلمه سن

فاطمه جانی کوسرم یاعلی

«عدل جویم»غرق گناهم شها

سنله ولی مفتخرم یاعلی