آدیوی اشعاریمه مشق ایلدیم 

یازدیغیجا آدیوی عشق ایلدیم


آدیوی اشعاریمه مشق ایلدیم 

یازدیغیجا آدیوی عشق ایلدیم

ایستمورم راه   بطالت   گئدم 

یازدیم  علی آدینی تا حَظ ائدم

دادیم او گون کی دادیوی یاعلی 

قلبیمه یازدیم آدیوی یاعلی

قندو شکر یوخ ؛ کی عَسل دی آدون

آدیوه قربان  نه  گوزل دی آدون

بَه بَه آدون روحی لره جان وئرور

درد و غم و محنته پایان وئرور

شمعیوه یئر گوی اِله پروانه دی

عشقیوه من یوخ هامی دیوانه دی

یکسره مخلوقی لره شاه  سن

هم اَسدالله و یَداللهی سن

عِینُ  و  یَدِ  حَقِ  تعالی  علی

عشقون  اگر واردی  دئنن یاعلی

وئردون اورک منده اورحلنمیشم

آدیوی یازدیخجا  فَرحلنموشم

عشقیوی جنت لرده من ساتمارام

عشقیوی باشدان ئولرَم آتمارام

سوز بئله گلدی  هَدره وئرمرم

بیر توکووی مین عمره وئرمرم