سرورِِ  هر سه  عالم  و  نور  چهار  سو علی

کعبه یِ طوفِ شش جهت سیّدِ هفت کو علی


سرورِِ  هر سه  عالم  و  نور  چهار  سو علی

کعبه یِ طوفِ شش جهت سیّدِ هفت کو علی

گوردی شب   عروجیده حضرت   ختم الانبیا

ثبت اولوب   اوچ   مکانیده  نامِ علی مرتضا

بیت مقدّس ایچره بیر صَخره نین اوسته  ابتدا

بین  ستونِ عرش و هم  شاخه یِ صِدرِ  مُنتها

شُهرَه دی کائناتیده مظهرِ ذاتِ هو علی

اونداکی   ختم الانبیا    قُبّهِ ی     کهکشانیده

پرده  به  پرده   سیر ائدوب وادی  لامکانیده

محور  عرش   اعظم   حضرت      جاودانیده

گوردی   جناب  مصطفی  چارمین  آسمانیده

گلدی سرادقاتیده حضرته روبرو علی

روح  الامینیدن   سوآل   ایله دی        سیّدُ البشر

قبلِ  نبی ابو تراب   عرشه عروج    اِئدوب  مگر؟

گلدی جواب علی دگول گوردوگون ای حمیده فر

بلکه    بو بیر فرشته دور    شکل    علییّه   مفتخر

یعنی همیشه عرشیده واردی گشاده رو علی

رتبه ی   قاب قوسه   تا احمد اِئدوبدی   فتح باب

گوردی نماز حمد   اِئدور  حضرت   صانِعُ الغیاب

تا سَبَقَت    عُطُوفَتی    مِن غَضَبی  اولوب  خطاب

گوردی   علی  صداسیدور  لَحنِ مُدَ بّر  اُلحجاب

لَحنی رسادی گوئیا ایله دی گفتگو علی

وحیِ   بدون   واسطه    گَلدی      رسول اکرمه

واردی علاقون  ای نبی  قلبیده هانسی  بَندَه مه؟

عرض  اِئلیوبدی   بندِه ی   خالصِ    حیِّ  اَعلَمه

گلدی  ندا  :  علی کیمین گَلمه دی  گَلمَز عالمه

فخریدی    متّقی لره   مفخر    اِتَّقو    علی

کیمدی   علی   مگر چاتوب عرشیده بو لیاقته

کیمدی علی  مگر اولوب شُهره ذَوِی الکرامته

کیمدی   علی مگر اولوب   عدلی  بها عدالته

کیمدی علی  مگر آدی وئردی شرف   شرافته

شکلی بشر نما اولوب ذاتی فرشته خو علی

  لنگر   آفرینش   و حاجب  احتجابیدور

بیر آدی   بوالغرایب   و  بیر آدی بو ترابیدور

پنچه ی   قهر حضرت   مُحتَسِب  اُلحِسابیدور

کفریدی  اوخشادام آیا  چون ئوزی آفتابیدور 

گوندی گونه  باخامّیوب یازدلا ماهرو علی

باخما کی   حقِّ مرتضا  دهریده پایمال اولوب

شاه ولادی عشقی چوخ سینه لره مدال اولوب

چوخلاری واردی حیدرین حقّینه کج خیال اولوب

دشمن  مرتضا ولی شیعه  گورنده لال اولوب         

ارث ائِلیوبدی شیعیعه غیرت و آبرو علی

عابد    لیل تاریدی    عرصه ده تک سواریدی

صحنه ی    کارزاریده    شیر   بلا   شکاریدی

قاچمازیدی   جدالیدن ، شاًنینه ننگ و عاریدی

قومازیدی  قاچانلاری ،  گور نجه  شهریاریدی

رزمینه گلدی کیم ولی اِیله دی پشت و رو علی

مرحب اسفل اونداکی خشمه  گتیردی  حیدری

گوردی   علی مرتضا   اولدی    یهودیلر جری

خیبره    وئردی بیر تکان   قهریله    آلله اللری

پنجه سی اوسته قالخزوب ساخلادی  باب  خیبری

سالدی   سپاه مومن  و مُشرکه  های و  هو علی

گَلّه یِ  روبهانه  تا حمله  اِئدوب او شرزه شیر

اسدی    تمام   هیکل    مرحب سفله چون اسیر

الله    الی گلنلری   تپراقا   یخدی     بیر به بیر

ائتدی    رجز  دیینلرین   دیللری   لبلرینده  گیر

ایله دی  گویی   لبلری   نیزه ایلن    رُفو  علی

دهریده    نامدار اولان   صاحب  اقتدار اولار

صاحب   اقتدار اولان شرزه ی  کارزار اولار

شرزه ی کارزار  اولان حق  ضعیفه یار اولار

حق  ضعیفه یار اولان    بیر بله شهریار اولار

اولدی خلیفه   منتهی آجلقا   ائتدی خو علی

وصف علینی ایسته سون واردی بونا شباهتی

صفریدن   آز   تلاش اِئده شرح  ائلیه نهایتی

شرح   علینی آختاران   معنی اِ ئدَر   عدالتی

حق علینی  غصب ائدن عدله ائِدوب  خیانتی

یوخسا آیردی  عدلیده  رشته ی تار مو علی

رهبر مسلمین اولوب گئیمه دی تازه بیر  عبا

عترتینون غذاسینی اوچ گئجه آلدی بیر  گدا

دردینی چاه کوفیه   هی دِییوب  آغلیان   آقا

هرگون   اولوبدی  بیوه و طفل یتیمه هم  نوا

گزدی فقیرو سائلی  هر گئجه کوبکو علی

آند اولا ئوز  جلالینه تکدی   علی  و  مکتبی

پادشهی کی  غبطه ی حوریلر  اولدی  منصبی

شیر حقی کی   سرنگون تپراقا  ائتدی  مرحبی

اِئولرَه باش  چکن  زمان اِئوده  آجیدی  زینبی

گور کیمی قویدی کیملری ائیله دی جستجو علی

دوزدی کی اهل کوفه نین ثابت اولوب خیانتی

دوز دوکی   شیخ گونه لر   ائیله دیلر   جنایتی

دوزدی کی ابن ملجمین چکدی   شرر عداوتی

یخدی   علینی آند اولا    عدلینه   ئوز عدالتی

اَوّ ل   اویاتدی قاتلی  آلدی   سورا   وضو علی