آند اولا ذات حق یکتایه

قاپوسی اوددا یانان زهرایه


آند اولا ذات حق یکتایه

قاپوسی اوددا یانان زهرایه

آند اولا نام رسول اللهه

جاه و اجلالی بلند اللهه

آند اولا معنی خیرالعمله

گُل آدون گلمیه یا اینکه گله

سن ازلدن علی اعلاسن

تا ابد ما خلقه مولاسن

آند اولا ظلمی یخان آه لره

دردووه تاب ائلین چاه لره

آند اولا قانه باتان محرابه

باشی دالدان کسیلن اربابه

آند اولا اصغرون اغلار گوزینه

اکبرون قانه بویانمیش یوزینه

سن ازلدن علی اعلاسن

تا ابد ما خلقه مولاسن

آند اولا قانه بویانمیش باشیوا

غم و محنتدن آخان گوز یاشیوا

اوغلوون اوخ داغیدان سینه سینه

بل ووران اللروون پینه سینه

فخر ایدور شیعه آزاده منش

ملت فاضل و پاکیزه روش

سن کیمی رتبه سی باش مولایه

ویرمروک بیر توکووی دنیایه

سن ازلدن علی اعلاسن

تا ابد ما خلقه مولاسن