خیبر شکن مشهورسن دنیا سنه حیران علی

دللرده ازبردور آدون دلبر علی جانان علی


ای ذوالفقارین صاحبی ای مظهر ایمان علی

جانلار سنه قربان علی

زیبنده دور مولا سنه شمشیر خون افشان سنه

خیبر شکن مشهورسن دنیا سنه حیران علی

دللرده ازبردور آدون دلبر علی جانان علی

ای سائله انگشترین بذل ایلین احسان علی

هر چاره سیزلر دردینه سن ایله سن درمان علی

بی کس لرین سن دادرسی سلطان مظلومان علی

مظوملر امدادینه سسلر سنی هر آن علی

سنسن ولایت صاحبی ای نیّر تابان علی

اسلامی زنده ایلین ای معنی قرآن علی

خانه نشین ایتدی سنی بو گردش دوران علی

ای دردینی چاهه دین دنیا اولا ویران علی