اگر عنایت اولا کردگار یکتادن

علی مناقبینی باشلارام الف بادن


اگر عنایت اولا کردگار یکتادن

علی مناقبینی باشلارام الف بادن

بو شاهی مدح ائلماق کیمسه دن دگیل ممکن

علی الخصوص بو مسکین بی سر و پادن

توجه ایلسه روح القدس اگر ، مندن

وئرر او معجزه یوز کیم وئروب مسیحادن

پر آچسا طایر الطاف حق باشیم اوسته

گئچر همای خیالیم سپهر خضرادن

ثبوت عرضیمه گر ایسته سن شهود و سند

وار الده شاهد و مدرک ، حدیث طاهادن

جمال صانع اوّل که نور مطلق دور

ائدیبدی جلوه جمالندا فیض عظمادن

حدوث ملکی اولوب رشگ بارگاه قِدم

مقام مقدم مولا علیّ اعلادن

خدیو ملک ولایت ، امیر مسند عشق

که امرینه هامی تابع اولوب تولادن

چکوبدی صورتینی کارگاه وحدتده

ازلده خامه قدرت جمال معنادن

دلیل خلقت عالم که بدو خلقتده

نظام عالم اولوب منتظم بو مولادن

ذلیل و خوار اولاجاق هر ایکی جهاندا بلی

او بنده کیم چئویروب یوز بو شاه والادن

رحیق و کوثر و تسنیم و سلسبیل جنان

علی ولایتی دور کیم گئچر بو سودادن

زعیم ملت و مذهب امام انس و ملک

گلوبدی شا أنینه آیه خدای یکتادن

ژنینده هرکسین اولسا اصالت وجدان

جهاندا درک ائدر اعلا مقامین ادنادن

سعادت ابد ی تاپموشام جزاک الله

منی حساب ائلیوب عاشقان شیدادن

شراب شوق تولادن ایلیوب سرمست

گئچوبدی نعرهة عشقیم بو چرخ مینادن

صلای ذکر و صلاتی کسیلمیوبدی هنوز

منار و ماذنه دن ، معبد و مصلادن

ضیای مشعل وحدت سن ای سراج هدی

مشخص ایلموسن کعبه نی ، کلیسادن

طریقت اهلینه سن سن وئرن جهاندا نجات

فروغ حکمت ایله ظلمت مفاجادن

ظهور ائدنده فروغ جمالیوین نوری

اولوبدی جان جهان منجلی تجلادن

علو ّ شاأنیوی قاصردی دیل بیان ائلسون

مقام وصفوه عاجزدی خامه املادن

غلام بارگهون بی نیاز اولا ر شاها

حدیث جام جم و تاج و تخت دارادن

فتوت و شرف و عز ّتین اولوبدی دلیل

تاپوب رواج ، خدا دینی بو سجا یادن

قبول درگهون اولسام جهانه فخر ائدرم

بو شان و رتبه بسیمدور هر ایکی دنیادن

کریم سن کرم ائت بندوه که محتاجم

کرامتینده گوزوم وار شها تمنادن

گلن بو درگه والایه نا امید اولماز

تاپار سعادت دارینی بو مزایادن

لیاقت اولماسا اولماز یقین که بیر کیمسه

کمال فیض آلا بو درگه معلادن

مدیحتنده نه من اهل فضل دور عاجز

محال ، قطره ائده شرح،وصف دریادن

نظر قیلا کرمندن اگر او نفس شعور

گئچر فخامت شعریم مقام شعرادن

ولای عشق علی دور که شاأنیم افضل اولوب

مقام شعرده شاأن جریر و اعشادن

همای گلشن جنت شکوه عشقم من

گلر نواله منه بارگاه عنقادن

یازار مدیح علی،آسسالاردا شب خیزی

مثال میثم تمار نخل خرمادن