یر اوسته  معجزه  ایجاد ائدر  خدا  بو  گئجه

قدم  جهانه  قویار سبط  مصطفیا   بو  گئجه


یر اوسته  معجزه  ایجاد ائدر  خدا  بو  گئجه

قدم  جهانه  قویار سبط  مصطفیا   بو  گئجه

خدای     سرمده    سجده   ابوتراب   ائلیر

رسول    حق   ائدر   آللّهینه   ثنا   بو   گئجه

سئویندیرر    آتاسین    گلمَگیله   بو   مولود

اونیلا   فخر   ائدر   البته   مرتضیا  بو  گئجه

آدی  حسن  قویولار  حسن  غبطه   ایلر  اونا

ائدر   خلایقی    مسرور مجتبیا   بو  گئجه

مقام   حلمده   یوخدور   تایی  بو  مولودین

صبوردور ؛ اونا  مین لرجه  مرحبا  بو  گئجه

سئویندیریبدی   بو  مولود   فاطمه  آناسین

گورور   سئوینمگینی   حی   کبریا  بو  گئجه

گلوب    بیر   عده   فرشته  ؛  بتول  خدمتینه

دیوللر حق سنه بیر گل ائدوب عطا بو گئجه

سنی  چوخ   ایستیور  الله  ذوالجلال  ؛  خانیم

ائدوب  ایکیمجی  امامه  سنی  آنا  بو  گئجه

گؤیون  ملک لری  ایچره  غریبه  منظره  وار

سرور  و   هلهله   برپادی  ؛  برملا  بو  گئجه

بهشت رایحه سی یر  یوزون  دوتوب  یکسر

عجب  معطر اولوب  ای خدا ؛ فضا  بو  گئجه

فدا   اولوم   آدینا   حل   مشکل   اِیلر  آدی

وار   اعتقادیم  ائدر  دردیمه  دوا   بو  گئجه

گئچوب اروجلوقون اون دوردی گلدی دنیایه

اروج   دوتانلار    اولا   آدینه   فدا  بو  گئجه

کریم دور  آقا  ؛  شیعه  اونی  کرملی  تانور

صفه دوروب قاپی سیندا  اونون گدا  بو گئجه

اوزیندن  ایسته  صله (( جعفری )) بو  مولودین

بسوندی وئرسه  اگر  شعرووه  بها  بو  گئجه